Зялёная прэмія

Зялёная прэмія альбо Green Award Belarus — штогадовая ўзнагарода, недзяржаўная экалагічная прэмія, заснаваная ў 2025 годзе грамадскім аб’яднаннем «Зялёная сетка»^[1], якая ўручаецца за лепшы беларускі медыя-кантэнт на экалагічную тэматыку^[2]. Аб’яўленне пераможцаў адбываецца на спецыяльнай цырымоніі ўзнагароджання 5 чэрвеня, у Сусветны дзень аховы навакольнага асяроддзя.

Зялёная прэмія Green Awards Belarus
Тып	узнагарода ў галіне экалогіі[d]
Заснавальнік	Зялёная сетка
Заснаванне	2025
Краіна	Беларусь
Першае ўзнагароджанне	2025
Сайт	greenbelarus.info/… (бел.)

Мэты прэміі

Мэта прэміі — павышаць дасведчанасць беларускага грамадства аб праблемах экалогіі і ўстойлівага развіцця, павышаць бачнасць экалагічных праблем і шляхоў іх вырашэння праз прызнанне і заахвочванне ўкладу медыя-прафесіяналаў у стварэнне якаснага і актуальнага кантэнту на экалагічныя тэмы.

Намінацыі і крытэрыі

Да ўдзелу ў Зялёнай прэміі прымаюцца матэрыялы на экалагічную тэматыку, якія могуць асвятляць праблемы і поспехі ў сферах:

• устойлівае развіццё;
• змена клімату;
• абарона біяразнастайнасці;
• забруджванне навакольнага асяроддзя;
• устойлівая сельская гаспадарка;
• энергетычная эфектыўнасць;
• экалагічная свядомасць і адукацыя.

Ацэнка работ ажыццяўляецца журы, якое складаецца з экспертаў у галіне экалогіі і медыя. Крытэрыі ацэнкі ўключаюць у сябе актуальнасць, глыбіню асвятлення, дакладнасць прадстаўленай інфармацыі, арыгінальнасць падыходу, візуальную прывабнасць (для мультымедыя), уплыў на аўдыторыю, адпаведнасць журналісцкім стандартам, практычную значнасць.

Намінацыі прэміі

1. Лепшая аналітыка пра экалогію
2. Лепшы відэа-кантэнт на тэму экалогіі
3. Лепшы экакантэнт у сацыяльных сетках
4. Лепшыя падкасты на экалагічную тэматыку

Лаурэаты

2025 год

На конкурс беларускія журналісты, эксперты і блогеры падалі 47 работ. Работы ацэньваліся па 10-бальнай шкале паводле 7 крытэраў^[3][4]

Журы

Надзея Белахвосцік, Барыс Гарэцкі, Ірына Сухій, Эдуард Мельнікаў, Яніна Мельнікава^[5]

Топ-5 “Лепшая аналітыка пра экалогію”

• Артыкул і відэа ад Citydog^[6]
• Першая публікацыя з цыклу Радыё Свабода “Сьляды”^[7]
• Аналітыка Сяргея Бесараба для яго экспертнага блогу для Зеркало^[8]
• Артыкул на Reform.news^[9]
• Артыкул анлайн-газеты “Салідарнасць”^[10]

Топ “Лепшы відэа-кантэнт на тэму экалогіі”

• Навіновы сюжэты праграмы Студыя Белсат^[11]
• Выпускі антыфэйкавага праекту Беларускага расследвальніцкага цэнтра^[12]
• Навіновы сюжэт перадачы Белсату^[13]
• Відэа ад рэакцыі анлайн-газеты “Салідарнасць”

Топ-3 “Лепшы экакантэнт у сацсетках”

• TikTok канал пра экалагічны лад жыцця «Мікразеляніна»
• Асветніцкія ролікі канала @theothersby ў TikTok
• Кантэнт блогу хіміка-энцыклапедыста Сяргея Бесараба^[14]

Лепшыя падкасты на экалагічную тэматыку

• Падкасты з серыі «Адкрый у сабе вучонага» ад Polske Radio dla Zagranicy^[15][16][17]
• Лабараторны падкаст, прысвечаны радыяцыі ды змене клімата^[18].

Асобна журы адзначыла мудьтымедыйную гульню «Дворык» за інавацыйнасць і наватарства формы.