Казуліцкі сельсавет

Казу́ліцкі сельсавет — былая адміністрацыйна-тэрытарыяльная адзінка ў складзе Кіраўскага раёна Магілёўскай вобласці Беларусі. Цэнтр — вёска Казулічы.

Казуліцкі сельсавет
Краіна	Беларусь
Уваходзіць у	Кіраўскі раён
Уключае	11 населеных пунктаў
Адміністрацыйны цэнтр	Казулічы
Дата ўтварэння	20 жніўня 1924
Дата скасавання	22 лютага 2013
Насельніцтва (2009)	1 305
Часавы пояс	UTC+03:00
Код аўтам. нумароў	6

Утвораны 20 жніўня 1924 года ў складзе Бабруйскага 2-га раёна Бабруйскай акругі БССР. З 4 жніўня 1927 года ў складзе Бабруйскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Бабруйскім раёне БССР. З 12 лютага 1935 года ў складзе Кіраўскага раёна, з 20 лютага 1938 года — Магілёўскай вобласці, з 20 верасня 1944 года — Бабруйскай вобласці, з 8 студзеня 1954 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Падрэцкага сельсавета, у склад Хімоўскага сельсавета Бабруйскага раёна перададзены вёскі Глінішча, Думаноўшчына і Рэкорд^[1]. У 1960 годзе ў склад Любоніцкага сельсавета перададзена вёска Кострычы^[2]. 22 лютага 2013 года сельсавет скасаваны, яго тэрыторыя далучана да Мышкавіцкага сельсавета^[3].

Насельніцтва сельсавета паводле перапісу 2009 года складала 1305 чалавек^[4], з іх 95,2 % — беларусы, 3,6 % — рускія, 0,5 % — украінцы, 0,4 % — цыганы^[5].

На момант скасавання ў склад сельсавета ўваходзілі 11 населеных пунктаў: вёскі Казулічы, Каладзіно, Кострыцкая Слабодка, Красніца, Ляскі, Малінаўка, Падказулічча, Падлессе, Падрэчча, Пацава Слабада і Стаўпішча.

Зноскі

1. Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнні выканкома Магілёўскага абласнога Савета дэпутатаў працоўных ад 24 чэрвеня і 8 ліпеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 20.
3. Решение Могилевского областного Совета депутатов от 22 февраля 2013 г. № 20-7 Об изменениях в административно-территориальном устройстве Бобруйского и Кировского районов Могилевской области
4. Насельніцтва населеных пунктаў Магілёўскай вобласці Беларусі паводле перапісу 2009 года (нявызн.)(недаступная спасылка). Архівавана з першакрыніцы 7 жніўня 2018. Праверана 8 верасня 2021.
5. Этнічны склад насельніцтва сельсаветаў Беларусі паводле перапісу 2009 года