Канстанцыя Габсбург

Канстанцыя Габсбург (24 снежня 1588(1588-12-24)^[1], Грац — 10 ліпеня 1631(1631-07-10)^[1], Варшава) — каралева польская і шведская, вялікая княгіня літоўская, жонка Жыгімонта ІІІ Вазы.

Канстанцыя Габсбург
ням.: Constanze von Österreich
Каралева польская[d] 1605 — 1631
Нараджэнне	24 снежня 1588(1588-12-24)[1] Грац, Герцагства Штырыя, Аўстрыя
Смерць	10 ліпеня 1631(1631-07-10)[1] (42 гады) Варшава, Варшаўская зямля[d], Мазавецкае ваяводства, Велікапольская правінцыя, Карона Каралеўства Польскага, Рэч Паспалітая
Месца пахавання	Кафедральны сабор Святых Станіслава і Вацлава
Род	Ваза
Бацька	Карл II, эрцгерцаг Аўстрыі
Маці	Марыя Ганна Баварская
Муж	Жыгімонт Ваза[2]
Дзеці	Ян II Казімір Ваза, Ян Ольбрахт Ваза[d], Караль Фердынанд Ваза[d], Аляксандр Караль Ваза[d] і Ганна Кацярына Канстанцыя Ваза
Веравызнанне	каталіцтва
Аўтограф
Медыяфайлы на Вікісховішчы

Біяграфія

Дачка эрцгерцага Карла Штырыйскага (брат імператара Максіміляна ІІ), унучка імператара Фердынанда І і Ганны Ягелонкі. Была сястрой імператара Фердынанда ІІ, эрцгерцага Леапольда V, Ганны Габсбург — першай жонкі Жыгімонта ІІІ.

Шлюб паміж Канстанцыяй і Жыгімонтам адбыўся праз 8 гадоў пасля смерці Ганны, 11 снежня 1605 года (чакалі, пакуль Канстанцыя стане паўналетняй). Неўзабаве яна набыла вялікі ўплыў на палітыку караля, выступала за ўмацаванне каралеўскай улады ў дзяржаве. Пільнавала інтарэсы Габсбургаў у Рэчы Паспалітай. Імкнулася да ўмацаванняў пазіцый каталіцтва, вяла барацьбу супраць пратэстантаў (прычынілася да смяротнага пакарання ў Вільні італьянца Пятра Франка). Аказвала ўплыў на раздачу дзяржаўных і царкоўных пасад, імкнулася выдаць замуж за магнатаў сваіх прыдворных дам. У час Маскоўскага паходу Жыгімонта ІІІ (1609—10) жыла ў Вільні, удзельнічала ў адбудове горада пасля пажару 1610 года. Была заўзятай каталічкай, прычынілася да пакарання смерцю ў 1611 годзе ў Вільні Франкуса дэ Франка, які адкрыта выступіў супраць каталіцкіх догматаў. Займалася мецэнацтвам.

У шлюбе з Жыгімонтам ІІІ мела сына Яна Казіміра (у 1648—68 кароль польскі і вялікі князь літоўскі Ян II Казімір Ваза), яшчэ 4 сыноў (іншы Ян Казімір, Ян Ольбрахт, Караль Фердынанд, Аляксандр Караль), дачок Ганну Канстанцыю і Ганну Кацярыну Канстанцыю.

Смерць Канстанцыі прыспешыла смерць Жыгімонта ІІІ, яны былі пахаваны адначасова ў сутарэннях Жыгімонтаўскай капліцы Вавеля ў Кракаве.