Канстанцін Іванавіч Шабуня

Канстанцін Іванавіч Шабуня (1912 — 1984) — беларускі гісторык. Член-карэспандэнт АН БССР (1969), доктар гістарычных навук (1964), прафесар (1966). Заслужаны дзеяч навукі БССР (1975)

Канстанцін Іванавіч Шабуня
Дата нараджэння	28 кастрычніка 1912(1912-10-28)[1]
Месца нараджэння	Даўгінава, Ігуменскі павет, Мінская губерня, Расійская імперыя
Дата смерці	13 кастрычніка 1984(1984-10-13) (71 год)
Месца смерці	Мінск, Беларусь
Месца пахавання	Усходнія могілкі
Грамадзянства	СССР
Род дзейнасці	навуковец
Навуковая сфера	гісторыя
Месца працы	БДУ
Навуковая ступень	доктар гістарычных навук
Альма-матар	БДПУ
Партыя	КПСС
Узнагароды

У Вікіпедыі ёсць артыкулы пра іншых людзей з прозвішчам Шабуня.

Біяграфія

Нарадзіўся ў вёсцы Даўгінава (зараз ва Уздзенскім раёне Мінскай вобласці Беларусі)^[2]. Скончыў Мінскі педагагічны інстытут. У 1940—1941 гг. выкладчык БДУ. Удзельнік Вялікай Айчыннай вайны. У 1946—1947 гг. старшы навуковы супрацоўнік Інстытута гісторыі АН БССР, у 1948—1956 гг. кансультант, загадчык сектара, намеснік загадчыка аддзела ЦК КПБ. З 1956 года загадчык сектара публікацый, гісторыі Беларусі дасавецкага грамадства Інстытута гісторыі АН БССР. Адначасова ў 1946—1972 гг. выкладаў у ВНУ Мінска. У 1968—1971 гг. загадчык кафедрай у Інстытуце народнай гаспадаркі імя У. У. Куйбышава^[3].

Навуковая дзейнасць

Займаўся даследаваннямі гісторыі сялянства і сельскай гаспадаркі на тэрыторыі Беларусі ў эпоху капіталізму. Адзін з аўтараў і рэдактараў «Гісторыі Беларускай ССР» (т. 1—2, 1955; т. 1—5, 1972—1975).

Аўтар больш за 100^[3] навуковых прац. Сярод апублікаванага: манаграфія «Аграрнае пытанне і сялянскі рух на Беларусі ў рэвалюцыі 1905—1907 гг.» (1962).

Узнагароды

• Ордэн «Знак Пашаны» (1979);
• медалі

Зноскі

1. Library of Congress Authorities — Library of Congress. Праверана 16 сакавіка 2025.

   <a href='https://wikidata.org/wiki/Track:Q13219454'></a><a href='https://wikidata.org/wiki/Track:Q131454'></a>
2. Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 763. — 800 с. — 5 000 экз. — ISBN 985-11-0026-9.
3. Член-карэспандэнт ШАБУНЯ Канстанцін Іванавіч // Нацыянальная акадэмія навук Беларусі