Канстанцін Мікалаевіч Басалыга

У Вікіпедыі ёсць артыкулы пра іншых людзей з прозвішчам Басалыга.

Канстанцін Мікалаевіч Басалыга (30 мая 1887, в. Варкавічы, Слуцкі раён — 9 верасня 1963) — прафесійны рэвалюцыянер^[1]. Брат Д. Басалыгі.

Канстанцін Мікалаевіч Басалыга
Род дзейнасці	рэвалюцыянер
Дата нараджэння	30 мая 1887(1887-05-30)
Месца нараджэння	Варкавічы, Слуцкі павет, Мінская губерня, Расійская імперыя
Дата смерці	9 верасня 1963(1963-09-09) (76 гадоў)
Грамадзянства	СССР
Партыя	Расійская сацыял-дэмакратычная рабочая партыя
Узнагароды і прэміі

Біяграфія

Член КПСС з 1905 года. У перыяд Рэвалюцыі 1905—1907 гг. член ваенна-баявога штаба ў Харкаве, Севастопальскага камітэта РСДРП і рэдакцыі яго органа — газеты «Салдат». Вёў партыйную працу ў Харкаве, Адэсе, Екацерынадары, Севастопалі^[1].

Дэлегат V з'езда РСДРП  (руск.) ад бальшавікоў Урала, даставіў У. І. Леніну мандат дэлегата ад бальшавікоў Усолля. У 1915 годзе сасланы ў Омск. Удзельнік Кастрычніцкай рэвалюцыі. Пасля рэвалюцыі на гаспадарчай працы ў Омску, Краснадары, Севастопалі, на Стаўрапаллі. У гады Вялікай Айчыннай вайны ў Севастопальскім народным апалчэнні. У вёсцы Варкавічы імем братоў Басалыг названая вуліца^[1].

Зноскі

1. Бассалыго Константин Николаевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 44. — 737 с.