Карагана

Карага́на^[2], Акацыя^[3] (Caragána) — род кветкавых раслін сямейства Бабовыя (Fabaceae). Налічвае каля 80 відаў (90 відаў^[4]). Пашыраны ва Усходняй Еўропе і Азіі. У Цэнтральным батанічным садзе НАН РБ інтрадукаваны 15 відаў і форм.

Карагана
Акацыя дрэвападобная (Caragana arborescens) — тыпавы від роду Карагана. Агульны выгляд групы квітнеючых раслін у полеахоўнай паласе. Паўночная Дакота, ЗША.
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Hedysareae Род:  Карагана
Міжнародная навуковая назва
Caragana Fabr., 1763
Тыпавы від
Caragana arborescens Lam. [1] — Акацыя дрэвападобная
Сістэматыка на Віківідах Выявы на Вікісховішчы ITIS   26528 NCBI   20483 EOL   28030 GRIN   g:2061 IPNI   21936-1

Назва

Назва паходзіць ад кіргізскай народнай назвы. Кара — чорны, гана — вуха; ад назвы чарнавух лісіц, якія жывуць у зарасніках кустовай дзеразы або чылігі (Caragana frutex).

Батанічнае апісанне

Лістападныя кусты або невялікія дрэвы вышынёй да 5—7 м. Лісце чаргаванае або ў пучках, парнаперыстае, з 2—10 парамі суцэльных лісточкаў. Чаранкі і прылісткі некаторых відаў відазменены ў калючкі. Кветкі двухполыя, адзіночныя або ў пучках па 2—5, звычайна жоўтыя або залаціста-жоўтыя. Плод — струк.

Выкарыстанне

Лекавыя, меданосныя і дэкаратыўныя расліны.

Зноскі

1. NCU-3e. Names in current use for extant plant genera. Electronic version 1.0. Entry for Caragana Fabr. (Праверана 22 мая 2010)
2. Напісанне Карагана ў адпаведнасці з БЭ ў 18 тамах., Т. 8. — Мн., 1999. — С. 43.
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 30. — 160 с. — 2 350 экз.
4. Caragana Архівавана 5 верасня 2017. (англ.) // The Plant List