Карзюкі

Карзюкі́ — колішняя вёска на правым беразе Свіслачы, з 1972 года ў складзе Мінска.

Вёска Карзюкі Рэшткі вёскі Карзюкі, 2019 г. Краіна Беларусь Вобласць Мінская Раён Мінскі Сельсавет Навадворскі Каардынаты 53°50′22,20″ пн. ш. 27°36′38,50″ у. д.HGЯO Карзюкі Карзюкі

Гісторыя

Карзюкі пасля зносу, 2019 г.

Упершыню згадваецца ў 1600 годзе. У XVIII — XIX стагоддзях належала Прушыскім^[1]. У 1791 годзе вёска маёнткаў Новы Двор і Лошыца. У 1800, 1815 гадах вёска, шляхецкая ўласнасць С. Прушынскага, 22 двары, 84 жыхары. У 1858 годзе ўласнасць Я. Прушынскага^[2].

Да 1924 года ў Сеніцкай воласці Мінскага павета; 49 двароў, 318 жыхароў (1917)^[3]. З 1924 года ў Навадворскім сельсавеце Самахвалавіцкага раёна, з 1931 года ў адміністрацыйным падпарадкаванні Менскага гарсавета, з 1934 года ў Менскім раёне^[3].

У 1972 годзе тэрыторыя вёскі ўключаная ў межы горада Мінска. Вясковая забудова знесеная ў 2018 годзе, месцілася па вуліцы Карзюкі.

Вядомыя асобы

• Марыя Зінкевіч (1924—2010) — беларуская акцёрка. Заслужаная артыстка Беларускай ССР (1980).

Цікавыя факты

Вёсцы Карзюкі прысвечаны верш Янкі Купалы «Над Свіслачай. У Карзюках» (1911—1912), які выйшаў у зборніку «Шляхам жыцця»^[4].

Зноскі

1. Беларускі архіў вуснай гісторыі. Карзюкі (нявызн.)(недаступная спасылка). nashapamiac.org. Архівавана з першакрыніцы 7 чэрвеня 2017.
2. Памяць 1998, с. 592.
3. Минск : энциклопедический справочник 1983, с. 204.
4. Над Сьвіслачай. У Карзюках (нявызн.)(недаступная спасылка). Родныя вобразы. Архівавана з першакрыніцы 3 ліпеня 2017.