Прушынскія

Прушынскія (альбо Прашынскія) — сярэднезаможны каталіцкі шляхецкі род ВКЛ і Расійскай імперыі, які карыстаўся гербам «Любіч».

Прушынскія
Краіна паходжання	Вялікае Княства Літоўскае

Упершыню згадваюцца ў XVI ст., паходзілі з Падляшша (Вялікае Княства Літоўскае). Прыкладна ў сярэдзіне XVII ст. аселі ў Менскім ваяводстве. У XVIII—XIX стст. валодалі Лошыцай пад Мінскам, дзе разбудавалі Лошыцкі сядзібна-паркавы комплекс.

У наш час адна з вуліц Лошыцы носіць імя графаў Прушынскіх.

Радавод

1. Юрый Антоній (?—?), першы ўладальнік Лошыцы (з 1719^[1])
   1. Юзаф (1709—1790), менскі падкаморы (1770—1780), маршалак Галоўнага трыбунала, жонка: Альжбета Брыгіта Янішэўская
      1. Антоній (?—?), менскі гродскі суддзя і маршалак Галоўнага трыбунала, жонкі: 1) Багуміла Грабоўская, 2) Канстанцыя Карніцкая
         1. Станіслаў Ксаверый (1768—1813), падкаморы менскі і рэгент Галоўнага трыбунала, жонка: Ганна Сямашка, дачка Андрэя Сямашкі
            1. Ірэній (?—?)
            2. Яўстах (1797—1877), мінскі губернскі маршалак (1863—1877)
            3. Станіслава Тэкля (?—?), муж: Ян Віктаравіч Любанскі
            4. Прот Фелікс (1799—1849), удзельнік вызваленчага паўстання (1830—1831)
      2. Станіслаў (1753—1800), генерал-ад'ютант, ігуменскі павятовы маршалак^[2], кавалер ордэна Святой Ганны; прымаў у сваім маёнтку Каралішчавічы імператара Паўла I^[1], жонка: Ганна Камароўская
         1. Міхал (1777—1835), падкаморы вялікі літоўскі, жонка: Тэкля Валянская
            1. Міхал (?—?), член Мінскага таварыства сельскай гаспадаркі
      3. Казімір (?—?), менскі падкаморыц, шамбялян караля (1786)
   2. Геранім (?—?), ксёндз
   3. Міхал (?—?), ксёндз

• Партрэты прадстаўнікоў роду Прушынскіх
• 
  Станіслаў Прушынскі
• 
  Станіслаў Прушынскі
• 
  Ганна Прушынская (з роду Камароўскіх)

Зноскі

1. Юрый Кур'яновіч. Аповеды старасвецкай Лошыцы // «Полымя» № 3, 2008. С. 190-191.
2. Алег Французаў. Каралеўскі маёнтак — Каралішчавічы(недаступная спасылка) // «Культура» № 44 (810), 3 лістапада 2007.