Карлес Кота

У Вікіпедыі ёсць артыкулы пра іншых людзей з прозвішчам Кота.

Карлес Кота Пахес (ісп.: Carles Coto Pagès; нар. 11 лютага 1988, Фігерас, Іспанія) — іспанскі футбаліст, паўабаронца клуба «Рода» з Вільярэаля.

Карлес Кота
Агульная інфармацыя
Поўнае імя	Карлес Кота Пахес
Нарадзіўся	11 лютага 1988(1988-02-11)[1] (37 гадоў) Фігерас, камарка Альт-Эмпорда[d], Жыранескія камаркі[d], Каталонія, Іспанія
Грамадзянства	Іспанія
Рост	173 см
Вага	68 кг
Пазіцыя	паўабаронца
Інфармацыя пра клуб
Клуб	Рода
Маладзёжныя клубы
2001—2007 Барселона
Клубная кар’ера[* 1]
2007—2008 Мускрон 21 (1) 2008—2009 Севілья B 20 (0) 2009—2010 Бенідорм 31 (0) 2010—2011 Анартосіс (Фамагуста) 23 (1) 2011—2013 Дынама (Тбілісі) 44 (6) 2013 Дынама (Мінск) 6 (1) 2014 Бунёдкар (Ташкент) 5 (0) 2014—2015 Сан-Марына 22 (2) 2015—2016 Этнікас (Ахна) 35 (6) 2016 Докса (Катакапія) 8 (1) 2017 Эрміс (Арадыпу) 16 (0) 2017—2018 Рая Махадаонда 32 (6) 2018—2019 Волас 24 (0) 2019—2021 Фігерас 24 (0) 2021—2023 Санта Калома 46 (8) 2023— Рода (Вільярэаль)
Нацыянальная зборная[* 2]
2004 Іспанія (да 16) 4 (1) 2007 Іспанія (да 19) 6 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 жніўня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 16 лютага 2018
Медыяфайлы на Вікісховішчы

Клубная кар’ера

Выхаванец «Барселоны», пазней выступаў у клубах ніжэйшых дывізіёнаў Іспаніі. У 2010—2011 гадах гуляў за кіпрскі «Анартосіс», пазней — за тбіліскае «Дынама», з якім стаў чэмпіёнам Грузіі.

У ліпені 2013 года перайшоў у мінскае «Дынама». Адразу стаў асноўным іграком дынамаўцаў, выступаў на пазіцыі флангавага паўабаронцы, але з верасня 2013 года страціў месца ў аснове. Па заканчэнні сезона пакінуў мінскі клуб.

У лютым 2014 года стаў іграком узбекскага «Бунёдкара»^[2]. З 2015 года на працягу двух сезонаў выступаў у чэмпіянаце Кіпра.

У жніўні 2017 года вярнуўся ў Іспанію, стаўшы іграком клуба трэцяга дывізіёна «Рая Махадаонда». Пакінуў яго па заканчэнні сезона 2017/18. У сезоне 2018/19 выступаў за клуб «Волас» з другога дывізіёна Грэцыі.

У верасні 2019 года далучыўся да «Фігераса». У жніўні 2021 года перайшоў у клуб «Санта Калома» з чэмпіянату Андоры. У жніўні 2023 года папоўніў склад «Роды».

Міжнародная кар’ера

Падчас выступаў за «Барселону» выклікаўся ў юнацкія зборныя Іспаніі. У 2007 у складзе зборнай да 19 гадоў стаў чэмпіёнам Еўропы.

Дасягненні

• 01 Чэмпіён Грузіі: 2012/13
• 03 Бронзавы прызёр чэмпіянату Беларусі: 2013
• Уладальнік Суперкубка Узбекістана: 2014
• Пераможца Сегунды B: 2017/18 (група 1)
• Пераможца Футбольнай лігі Грэцыі: 2018/19
• 03 Бронзавы прызёр чэмпіянату Андоры: 2023
• 01 Чэмпіён Еўропы да 19 год: 2007