Карльскруна

Карльскруна^[2] (шв. Karlskrona) — адміністрацыйны цэнтр шведскага лена Блекінге. Закладзены Карлам XI як галоўная (а цяпер і адзіная) база шведскага флота на 33 астравах ля берага Балтыйскага мора. Назва ў перакладзе азначае «карона Карла». Насельніцтва - 62.804 жыхароў (2009).

Горад Карльскруна шведск.: Karlskrona Герб Маленькія домікі характэрныя для Карльскруна Краіна  Швецыя Лен Блекінге Каардынаты 56°10′59″ пн. ш. 15°37′59″ у. д.HGЯO Заснаваны 1680[1] Плошча 21,4 км² Вышыня цэнтра 16 ± 1 м Афіцыйная мова шведская Насельніцтва 62,804 чалавек (2009) Часавы пояс UTC+1, летам UTC+2 Тэлефонны код 0455 Паштовыя індэксы 371 xx Афіцыйны сайт karlskrona.se (шведск.) Карльскруна на карце Швецыі

Медыяфайлы на Вікісховішчы

Гісторыя

Заснаванне Карльскруны

Горад быў закладзены ў 1680 годзе, у XVII стагоддзі быў старанна распланаваны лепшымі архітэктарамі свайго часу і да сённяшняга дня застаецца адным з найбольш яркіх прыкладаў познерэнесанснага горадабудаўніцтва, у сувязі з чым занесены ў спіс Сусветнай спадчыны. Сярод славутасцяў — самая вялікая ў краіне драўляная царква (1685) і два пышных барочных храма пачатку XVIII ст. — кірха Святой Тройцы (Нямецкая кірха, 1709 г.) і кірха Фрэдрыка (1744 г., абодва спраектаваны Тэсінам-малодшым).

Падчас Паўночнай вайны Карльскруна была адным з самых населеных гарадоў Швецыі, а мясцовая суднаверфь — найбуйнейшым у Скандынавіі працадаўцам. З падзеннем ваеннай моцы ўпала і значэнне Карльскруны, цяпер гэта ціхі правінцыйны горад.

Гарады-партнёры

• Хілерад, Данія
• Хортан, Нарвегія
• Лавійса, Фінляндыя
• Олафсфіёрдур, Ісландыя
• Клайпеда, Літва
• Гдыня, Польшча
• Балтыйск, Расія
• Ростак, Германія
• Айзпутэ, Латвія

Галерэя

• 
  Кірха Фрэдрыка
• 
  Нямецкая кірха

Зноскі

1. Karlskronas historie
2. Напісанне Карльскруна у адпаведнасці з картай да арт. Швецыя. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).