Гваздзіковыя

Гваздзіковыя, Гваздзічныя^[1] (Caryophyllaceae) — сямейства кветкавых двухдольных раслін з парадку гваздзікакветных.

Гваздзіковыя
Dianthus petraeus
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя
Міжнародная навуковая назва
Caryophyllaceae Juss. 1789
Сістэматыка на Віківідах Выявы на Вікісховішчы ITIS   19942 NCBI   3568 EOL   4229 IPNI   30000815-2 FW   53554

Апісанне

Шмат- або аднагадовыя травяністыя расліны, рэдка паўкусты і кусты. Лісце простае, звычайна суцэльнае, супраціўнае, найчасцей без прылісткаў. Кветкі ў рознага тыпу суквеццях, рэдка адзіночныя, двухполыя ці аднаполыя, 5-членныя, з двайным калякветнікам ці без пялёсткаў, апыляюцца насякомымі. Завязь верхняя. Плады розных тыпаў (звычайна каробачка, арэшка- ці ягадападобныя).

Пашырэнне

Каля 80 родаў і больш за 2000 відаў. Пашыраны ўсюды, пераважна ва ўмераных і арыдных абласцях Паўночнага паўшар'я, асабліва ў Міжземнамор'і і Ірана-Туранскай фларыстычнай вобласці. На Беларусі 25 родаў, найбольш вядомыя вапнаўка (Gypsophila), галадок, гваздзік (Dianthus), гладун (Herniaria), зорка (Lychnis), зоркаўка (Stellaria), куколь (Agrostemma), мыльнік (Saponaria), пясчанка, светнік (Coronaria), свінакроп (Spergula), смалянка (Melandrium), смалёўка (Silene), талянка, тысячагалоў (Vaccaria), ясколка (Cerastium) і больш за 70 відаў. Растуць у лясах, хмызняках, на лугах, балотах, палях, па берагах рэк.

Выкарыстанне

Лекавыя, тэхнічныя, меданосныя, харчовыя, кармавыя і каштоўныя дэкаратыўныя расліны, некаторыя віды — ядавітыя і пустазелле.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 145. — 160 с. — 2 350 экз.