Карунд

Кару́нд — мінерал падкласа простых аксідаў, крышталічны α-аксід алюмінію (Al₂O₃). Мае прымесі хрому, жалеза, тытану і інш.

Карунд
Формула	Al2O3
Статус IMA	grandfathered mineral (G)[d][1]
Фізічныя ўласцівасці
Колер	Белы, шэры, сіні, чырвоны, жоўгы, зялёны
Колер рысы	Белая
Бляск	Шкляны
Цвёрдасць	9
Шчыльнасць	3,9—4,1 г/см³
Сінгонія	Трыганальная
Медыяфайлы на Вікісховішчы

Крышталізуецца ў трыганальнай сінганіі. Крышталі бочкападобныя, таблітчастыя, слупкаватыя, дыпірамідальныя. Агрэгаты сярэдне- і тонказярністыя. Колер белы, шэры, сіні, чырвоны, жоўгы, зялёны. Бляск алмазны да шклянога. Цвёрдасць 9. Шчыльнасць каля 4 г/см³.

Паходжанне метамарфічнае, метасаматычнае; намнажаецца ў россыпах.

Абразіўны матэрыял; сумесь карунду (60—70%) з магнетытам, гематытам і шпінэллю — наждак. Празрыстыя разнавіднасці — каштоўныя камяні (рубін, сапфір). Сінтэтычны карунд з дабаўкамі Cr³⁺, Fe³⁺ атрымліваюць у прамысловых маштабах для квантавай электронікі, гадзіннікавай, ювелірнай прамысловасці і інш.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).