Карыбскія Нідэрланды

Карыбскія Нідэрланды (нідэрл.: Caribisch Nederland), альбо астравы БЭС (нідэрл.: BES-eilanden) — тры спецыяльныя супольнасці Нідэрландаў у Вест-Індыі: Банайрэ, Сінт-Эстатыус і Саба, якія ўвайшлі ў склад метраполіі пасля распаду аўтаномнай федэрацыі нідэрландскіх заморскіх уладанняў ў 2010 г. У той час, калі астатнія члены былой дзяржавы вырашылі стаць асобнымі адзінкамі Каралеўства Нідэрландаў, гэты тры астравы адмовіліся ад аўтаноміі і сталі амаль звычайнымі часткамі краіны (за выключэннем таго, што яны не ўваходзяць ў склад ніводнай правінцыі, падтрымліваюць стасункі з цэнтральным урадам праз спецыяльны орган і на іх тэрыторыі не заўсёды дзейнічаюць законы Еўрапейскага саюза). У 2012 г. гэта дазволіла ім упершыню прыняць удзел ва ўсеагульных выбарах у Нідэрландах.

Карыбскія Нідэрланды
Caribisch Nederland
Сцяг Герб
Дзяржаўны гімн Нідэрландаў
Заснавана	10 кастрычніка 2010 (увайшлі ў склад Нідэрландаў)
Афіцыйныя мовы	Нідэрландская; англійская (Сінт-Эстатыус і Саба), пап'ямента (Банайрэ)
Сталіца	Кралендэйк (Банайрэ) Араньестад (Сінт-Эстатыус) Ботам (Саба)
Форма кіравання	Парламентарная манархія
Лэйтэнант-губернатары Прадстаўнік	Эдысан Рэйна (Банайрэ) Джэральд Беркель (Сінт-Эстатыус) Джонатан Джонсан (Саба) Гілберт Ізабела
Тэрыторыя
• Агулам	328 км²
Насельніцтва Нідэрландаў
• Ацэнка (2015)	24,593 чал.
• Шчыльнасць	68 чал./км²
Валюта	Долар ЗША ($, USD)
Інтэрнэт-дамены	.nl1, .an², .bq³
Код ISO	BQ
Тэлефонны код	+599
Часавы пояс	-4
Аўтамабільны рух	справа[d]
1. Дамен Нідэрландаў 2. Дамен Нідэрландскіх Антыльскіх астравоў, выводзіцца са звароту 3. Спецыяльны дамен тэрыторый, яшчэ не выкарыстоўваецца.
Медыяфайлы на Вікісховішчы

З пункту гледжання геаграфіі, Востраў Банайрэ ўваходзіць у групу Падветраных астравоў і знаходзіцца каля ўзбярэжжа Венесуэлы, Сінт-Эстатыус і Саба з'яўляюцца часткай архіпелага Малых Антыльскіх і ляжаць на паўднёвым усходзе ад Пуэрта-Рыка. Рэльеф Карыбскіх Нідэрландаў узгорысты і раўнінны, востраў Саба - патухлы вулкан (Маўнт-Сінэры, 887 м, найвышэйшы пункт ува ўсіх Нідэрландах). Клімат трапічны, засушлівы. Сярэднія месячныя тэмпературы 26-28 °C. Гадавыя ападкі каля 500 мм. Флора прадстаўлена сухімі хмызнякамі і кактусамі, жывёльны свет бедны.

Літаратура

• Нідэрландскія Антыльскія астравы // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).