Касандр

Каса́ндр (грэч. Κάσσανδρος; каля 355 — 297 да н.э.) — цар Македоніі (302 да н.э. — 297 да н.э.), старэйшы сын Антыпатра, упершыню згадваецца ў судзе Аляксандра Македонскага ў Вавілоне, дзе выступаў з апраўдальнай прамовай на карысць свайго бацькі, несправядліва абвінавачанага.

Касандр
Македонскія цары 305 да н.э. — 297 да н.э.
Папярэднік	Аляксандр IV Македонскі
Пераемнік	Філіп IV Македонскі
Нараджэнне	355 да н.э.[1]
Смерць	296 да н.э.[1] Старажытная Македонія
Род	Антыпартыды[d]
Бацька	Антыпатр[d][1]
Жонка	Фесалоніка[d]
Дзеці	Філіп IV Македонскі, Аляксандр V Македонскі[d] і Антыпатр I
Медыяфайлы на Вікісховішчы

У паняцця ёсць і іншыя значэнні, гл. Касандр (значэнні).

Антыпатр перадаў рэгенцтва Палісперхону, што прымусіла Касандра шукаць падтрымкі па-за Македоніяй. Урэшце, ён заключыў саюз з Пталамеем Лагам і Антыгонам і абвясціў вайну рэгенту. Большасць грэчаскіх полісаў, у тым ліку Афіны, далучыліся да іх. Таксама ён схіліў на свой бок Эўрыдзіку, славалюбівую жонку македонскага цара Філіпа III Арыдэя.

І яна, і яе дзядзька, і брат Касандра Ніканор былі неўзабаве знішчаны па загаду Алімпіяды. Касандр выступіў супраць яе і, вымусіўшы, урэшце, здацца, пакараў смерцю царыцу ў 316 да н.э.. У 310 да н.э. — 309 да н.э. ён таксама пакараў смерцю Раксану і намінальнага цара Аляксандра IV — жонку і сына Аляксандра Македонскага; пазашлюбны сын апошняга Геракл быў раней атручаны Палісперхонам па падгаворванні Касандра.

Касандр парадніўся з царскай сям'ёй, ажаніўшыся з Фесалонікай, зводнай сястрой Аляксандра Македонскага, і, заключыўшы саюз з Селеўкам, Пталамеем і Лісімахам супраць Антыгона і знішчыўшы апошняга ў 301 да н.э., стаў кіраўніком Македоніі.^[2] Памёр ад вадзянкі ў 297 да н.э.

Касандр, быўшы жорсткім кіраўніком, быў знатаком літаратуры. Ён аднавіў Фівы, разбураныя Аляксандрам Македонскім, заснаваў гарады Фесалонікі (Салонікі) і Касандрыю.

Гл. таксама

• Паплечнікі Аляксандра Вялікага
• Селеўк I Нікатар
• Лісімах
• Пталамей I
• Антыпатр
• Антыгон I Аднавокі
• Алімпіяда
• Аляксандр IV Македонскі
• Раксана

Зноскі

1. Любкер Ф. Cassander // Реальный словарь классических древностей по Любкеру / под ред. Ф. Ф. Зелинский, А. И. Георгиевский, М. С. Куторга и др. — СПб.: Общество классической филологии и педагогики, 1885. — С. 256.

   <a href='https://wikidata.org/wiki/Track:Q101490'></a><a href='https://wikidata.org/wiki/Track:Q1459210'></a><a href='https://wikidata.org/wiki/Track:Q694826'></a><a href='https://wikidata.org/wiki/Track:Q4135787'></a><a href='https://wikidata.org/wiki/Track:Q24933120'></a><a href='https://wikidata.org/wiki/Track:Q30059240'></a><a href='https://wikidata.org/wiki/Track:Q45177237'></a><a href='https://wikidata.org/wiki/Track:Q4249594'></a>
2. Kingdoms of the Successors of Alexander: After the Battle of Ipsus, B.C. 301 (нявызн.). World Digital Library (1800-1884). Праверана 27 ліпеня 2013.