Кацельня Баярская

У паняцця ёсць і іншыя значэнні, гл. Кацельня-Баярская.

Каце́льня Бая́рская^[1] (трансліт.: Kacieĺnia Bajarskaja, руск.: Котельня Боярская) — вёска ў Брэсцкім раёне Брэсцкай вобласці. Уваходзіць у склад Клейнікаўскага сельсавета. Размешчана за 14 км на паўночны захад ад Брэста, 8 км ад чыгуначнай станцыі Скокі. У складзе камунальнага ўнітарнага сельскагаспадарчага прадпрыемства «Пагранічнік» (цэнтр — в. Клейнікі).

Вёска Кацельня Баярская Краіна Беларусь Вобласць Брэсцкая Раён Брэсцкі Сельсавет Клейнікаўскі Каардынаты 52°09′38,16″ пн. ш. 23°32′38,32″ у. д.HGЯO Насельніцтва ▼4 чал. (2009) Часавы пояс UTC+3 Тэлефонны код +375 162 Паштовыя індэксы 224704 Аўтамабільны код 1 СААТА 1212812061 Кацельня Баярская на карце Беларусі ±

Кацельня Баярская на Вікісховішчы

Гісторыя

У 19 ст. вёска ў Матыкальскай воласці Брэсцкага павета Гродзенскай губерні. У 1897 годзе працавалі хлебазапасны магазін, карчма.

Паводле Рыжскага мірнага дагавора 1921 года ў складзе Польшчы, у Матыкальскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну 5 вяскоўцаў загінулі, 1 прапаў без вестак. Да 8 верасня 1959 года вёска ўваходзіла ў склад Матыкальскага сельсавета^[2].

Насельніцтва

• 26 двароў, 209 жыхароў (1897)
• 13 двароў, 84 жыхары (1921)
• 91 жыхар (1959)
• 58 жыхароў (1970)
• 13 гаспадарак, 19 жыхароў (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Кутэ́льня Буя́рска
2. Рашэнне выканкома Брэсцкага абласнога Савета дэпутатаў працоўных ад 8 верасня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 11.