Кленавіца (Буда-Кашалёўскі раён)

У паняцця ёсць і іншыя значэнні, гл. Кленавіца.

Кленаві́ца^[1] (трансліт.: Klienavica, руск.: Кленовица) — вёска ў Буда-Кашалёўскім раёне Гомельскай вобласці. Уваходзіць у склад Чабатовіцкага сельсавета.

Вёска Кленавіца Краіна Беларусь Вобласць Гомельская Раён Буда-Кашалёўскі Сельсавет Чабатовіцкі Каардынаты 52°36′32″ пн. ш. 30°20′14″ у. д.HGЯO Першая згадка XIX стагоддзе Насельніцтва 32 чалавекі (2004) Часавы пояс UTC+3 Тэлефонны код +375 2336 Аўтамабільны код 3 СААТА 3205880031 Кленавіца Кленавіца

Геаграфія

Размяшчэнне

У 22 км на паўднёвы захад ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 49 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Жлобін — Гомель. Планіроўка складаецца з крывалінейнай шыротнай вуліцы, забудаванай драўлянымі дамамі сядзібнага тыпу.

Гісторыя

Па пісьмовых крыніцах вядомая з XIX стагоддзя. Па рэвізіі 1858 года валоданне памешчыка Перасвет-Солтана. Па перапісу 1897 года знаходзілася школа граматы. Побач быў аднайменны фальварак. Працавалі сукнавальня, вінакурня, завод сухой апрацоўкі драўніны, хлебазапасны магазін, 2 ветракі, крупарушка. У 1909 годзе — 513 дзесяцін зямлі, у Недайскай воласці Гомельскага павета Магілёўскай губерні. У фальварку — 4300 дзесяцін зямлі, шкляное і вугальнае прадпрыемствы, млын.

У 1926 годзе працавалі паштовае аддзяленне, школа. У 1926—1927 гадах цэнтр Кленавіцкага сельсавета. У 1929 годзе арганізаваны калгас. Падчас Вялікай Айчыннай вайны акупанты спалілі 71 двор, 64 жыхары вёскі загінулі на фронце. У 1959 годзе ў складзе саўгаса «Чабатовічы» (цэнтр — вёска Чабатовічы). Да 18 студзеня 1965 года вёска ўваходзіла ў склад Смычкоўскага сельсавета^[2].

У 1987 годзе да вёскі далучаны пасёлак Пралетарый^[3].

Насельніцтва

Колькасць

• 2004 год — 19 гаспадарак, 32 жыхары.

Дынаміка

• 1858 год — 15 двароў, 124 жыхары.
• 1897 год — 34 двары, 258 жыхароў (паводле перапісу).
• 1909 год — 49 двароў, 240 жыхароў; у фальварку — 12 двароў, 23 жыхары.
• 1926 год — 61 двор, 325 жыхароў.
• 1940 год — 75 двароў, 300 жыхароў.
• 1959 год — 266 жыхароў (паводле перапісу).
• 2004 год — 19 гаспадарак, 32 жыхары.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
2. Рашэнне выканкома Гомельскага абласнога Савета дэпутатаў працоўных ад 18 студзеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 10 (1090).
3. Рашэнне выканкома Гомельскага абласнога Савета народных дэпутатаў ад 13 лістапада 1987 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1988, № 9 (1923).