Князі пскоўскія

Паводле позняга Ніканаўскага летапісу, асобны княжацкі сталец у Пскове быў створаны Уладзімірам Святаславічам, які ў 1014 годзе вылучыў горад ва ўдзел свайму сыну Судзіславу. Падчас усобіцы Уладзіміравічаў Судзіслаў быў пасаджаны ў вязніцу, а пскоўскае княжанне ліквідавана. Некаторыя аўтары выказвалі здагадку, што магчыма Яраслаў Уладзіміравіч, асцерагаючыся прэтэнзій на кіеўскае княжанне з боку Судзіслава, пасадзіў яго — свайго апошняга брата і самага малодшага з Уладзіміравічаў — у вязніцу (поруб).

Потым Пскоў быў у складзе Наўгародскай зямлі і імкнуўся да пашырэння сваёй аўтаноміі. Як і ў Ноўгарадзе, у ім усталявалася «рэспубліканская» сістэма палітычнага ладу, якая абмяжоўвала правы князя на карысць баяр і веча.

У 1348 годзе паводле Болатаўскага дагавора Ноўгарад прызнаў незалежнасць Пскова і перастаў пасылаць у яго сваіх пасаднікаў. З 1399 пскоўскія князі называюцца маскоўскімі намеснікамі. Васіль II дамагаецца права прызначаць пскоўскіх намеснікаў паводле свайго меркавання, прычым яны прыносяць прысягу не толькі Пскову, але і вялікаму князю. Пры Іване III пскавічы адмаўляюцца ад права адхіляць прызначаных да іх князёў.

У 1510 годзе вялікі князь маскоўскі Васіль III прыбыў у Пскоў і абвясціў яго сваёй вотчынай. Веча было распушчана, каля 300 багатых пскоўскіх сем'яў было выслана з горада. Іх маёнткі размеркавалі паміж служылымі маскоўскімі людзьмі. Князёў і намеснікаў у Пскове больш не было.

Князі пскоўскія

• 1014—1036 Судзіслаў Уладзіміравіч (?)

• 1137—1138 Усевалад Мсціславіч
• 1138—1148^[1] Святаполк Мсціславіч
• 1178—1180 Мсціслаў Давыдавіч
• 1180—1195 Мсціслаў Раманавіч
• 1195—1211 Уладзімір Мсціславіч
• 1213—1213 Уладзімір Мсціславіч
• 1213—1214 Усевалад Барысавіч
• 1214—1214 Яраслаў Уладзіміравіч
• 1214—1214 Усевалад Мсціславіч
• 1214—1222 Уладзімір Мсціславіч
• 1232—1240 Юрый Мсціславіч^[2]
• 1240—1242 Яраслаў Уладзіміравіч
• 1253—1256 Яраслаў Яраславіч
• 1256—1266 Святаслаў Яраславіч
• 1266—1299 Даўмонт
• 1299—1299 Давыд (сын Даўмонта)
• 1307—1307 Фёдар Міхайлавіч
• 1327—1330 Аляксандр Міхайлавіч
• 1323 Давыд (сын Даўмонта)
• 1331—1337 Аляксандр Міхайлавіч
• (1337—1339)—1341 Усевалад Аляксандравіч
• 1341 Аляксандр Усеваладавіч
• 1342—1349 Андрэй Альгердавіч
• 1349—1356 Яўстафій Фёдаравіч
• 1356—1358 Васіль Будзіволна
• 1358—1360 Яўстафій Фёдаравіч
• каля 1360— каля 1369 Аляксандр (Барыс)
• да 1375—1377 Мацвей
• 1377—1386 Андрэй Альгердавіч
• 1386—1394 Іван Андрэевіч
• 1394—1399 Андрэй Альгердавіч

Маскоўскія намеснікі

• 1399—1399 Іван Усеваладавіч
• 1401—1407 Данііл Аляксандравіч Пскоўскі
• 1407—1408 Канстанцін Дзмітрыевіч
• 1408—1409 Данііл Аляксандравіч
• 1410—1412 Аляксандр Фёдаравіч Дранка
• 1412—1414 Канстанцін Дзмітрыевіч
• 1415—1417 Андрэй Аляксандравіч
• 1417—1420 Фёдар Аляксандравіч
• 1421—1424 Аляксандр Фёдаравіч Шчэпа
• 1424—1425 Фёдар Патрыкеевіч
• 1428—1429 Дзмітрый Аляксандравіч Шчэпа
• 1429—1434 Аляксандр Фёдаравіч Дранка
• 1434—1436 Уладзімір Данілавіч
• 1436—1437 Барыс Васільевіч Шуйскі
• 1437—1439 Уладзімір Данілавіч
• 1439—1442 Аляксандр Іванавіч Лукомскі
• 1443—1447 Аляксандр Васільевіч Чартарыйскі
• 1448—1455 Васіль Васільевіч Грэбінка Шуйскі
• 1456—1460 Аляксандр Васільевіч Чартарыйскі
• 1460—1460 Юрый Васільевіч Малодшы Дзмітраўскі
• 1460—1461 Іван Васільевіч Стрыга Абаленскі
• 1461—1462 Уладзімір Андрэевіч
• 1463—1466 Іван Аляксандравіч Звенігародскі
• 1467—1472 Фёдар Юр'евіч Шуйскі
• 1473—1477 Яраслаў Васільевіч Абаленскі
• 1478—1482 Васіль Васільевіч Бледны Шуйскі
• 1482—1487 Яраслаў Васільевіч Абаленскі
• 1488—1491 Сямён Раманавіч Яраслаўскі
• 1491—1496 Васіль Фёдаравіч Шуйскі
• 1496—1501 Аляксандр Уладзіміравіч Растоўскі
• 1501—1503 Іван Іванавіч Гарбаты-Суздальскі
• 1503—1507 Дзмітрый Уладзіміравіч Растоўскі
• 1507—1509 Пётр Васільевіч Вялікі Шастуноў
• 1509—1510 Іван Міхайлавіч Рэпня-Абаленскі
• 1510—1511 Рыгор Фёдаравіч Марозаў і Іван Андрэевіч Чаляднін
• 1511—1513 Пётр Васільевіч Вялікі Шастуноў і Сямён Фёдаравіч Курбскі

Зноскі

1. Е. А. Болховитинов «Исторія княжества псковскаго. Часть IV»- Кіевъ.: «Въ Типографіи Кіево-Печорской Лавры», 1831 — (стр.4)
2. Румянцаўскі музей, Імянны паказальнік XIII—XIV стагоддзяў