Костычы

Ко́стычы^[1] (трансліт.: Kostyčy, руск.: Костычи) — вёска ў Брэсцкім раёне Брэсцкай вобласці. Уваходзіць у склад Клейнікаўскага сельсавета. Размешчаны за 12 км на паўночны захад ад Брэста, 6 км ад чыгуначнай станцыі Скокі.

Вёска Костычы Краіна Беларусь Вобласць Брэсцкая Раён Брэсцкі Сельсавет Клейнікаўскі Каардынаты 52°09′18″ пн. ш. 23°33′31″ у. д.HGЯO Насельніцтва ▲52 чал. (2009) Часавы пояс UTC+3 Тэлефонны код +375 162 Паштовы індэкс 225037 Аўтамабільны код 1 Костычы Костычы Костычы

Костычы на Вікісховішчы

У складзе камунальнага ўнітарнага сельскагаспадарчага прадпрыемства «Пагранічнік» (цэнтр — аг. Клейнікі).

Гісторыя

Паводле пісьмовых крыніц вядомы з 16 стагоддзя як сяло ў Берасцейскім павеце і ваяводстве ВКЛ. У 1566 годзе пазначана ў актах Слонімскага земскага суда.

У 19 стагоддзі вёска ў Брэсцкім павеце Гродзенскай губерні. Уваходзіла ў маёнтак Церабунь. У 1858 годзе ўласнасць графоў Грабоўскіх. У 1897 годзе вёска ў Матыкальскай воласці Брэсцкага павета, працаваў ветраны млын.

Паводле Рыжскага мірнага дагавора 1921 года ў складзе Польшчы, у Матыкальскай гміне Брэсцкага павета Палескага ваяводства.

З 1939 года ў складзе БССР.

Насельніцтва

• 105 сялянскіх душ (1858)
• 28 двароў, 209 жыхароў (1897)
• 282 жыхары (1905)
• 18 наспадарак, 90 жыхароў (30.9.1921)
• 400 жыхароў (1959)
• 461 жыхар (1970)
• 40 гаспадарак, 66 жыхароў (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)