Салянка руская

Салянка руская^[1], Курай^[2] (Salsola tragus) — від кветкавых раслін сямейства Аксамітнікавыя (Amaranthaceae).

Салянка руская
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Аксамітнікавыя Падсямейства:  Salsoloideae Трыба:  Salsoleae Род:  Салянка Від:  Салянка руская
Міжнародная навуковая назва
Salsola tragus L., 1756
Сістэматыка на Віківідах Выявы на Вікісховішчы ITIS   520950 NCBI   355937 GRIN   t:32817 IPNI   307757-2 TPL   kew-2484161

Апісанне

Кветкі

Цвёрдашурпатая аднагадовая расліна, вышынёй ад 10^[1] да 100 см^[3] вышынёй. Расліны таўставатыя, голыя, светла-зялёныя або светла-жоўтыя, з гладкімі сцебламі і лісцем.

Сцябло прамое або ад асновы ўздымаецца, растапырана-галінастае^[1], белае, або пурпурна-чырвонае, паласатае, густа жорстка валасістае ці амаль голае. Лісце чаргаванае, мясістае, суцэльнае, ніткападобна-валькаватае, на верхавінцы з калючым шыпікам, 1,5—4 см × 0,5—1,5 мм, голае або жорстка валасітае^[1]. Прыкветнае лісце кароткае, ля аснавання ўздутае.

Кветкі двухполыя, 5-членныя, з 2 добра развітымі травяністымі прыкветкамі, у коласападобных суквеццях; калякветнік з голых плевачных яйцападобных лісцікаў, на канцы тупаватых і вызубленых^[1]; тычынак 5. Лісточкі калякветніка стуленыя, утвараюць як бы каробачку.

Плод — сухі арэшак, не раскрываецца, з паўпразрыстымі белымі ці ружовымі крылападобнымі прыдаткамі^[1]. Насенне ≈ 2 мм у дыяметры^[3].

Распаўсюджанне

Распаўсюджаны ў Паўночнай Афрыцы, паўднёвай частцы Еўропы, умеранай Азіі і Заходніх Гімалаях^[4][5][6].

Святлолюбівая расліна^[7]. Ксерафіт і мезатроф^[7].

Ва Украіне від расце на пясчаных і камяністых марскіх узбярэжжах — на Арабацкай Стрэлцы, Керчанскім паўвостраве, у ваколіцах Феадосіі і на ПБК (наваколлі Судака, Ласпі), зрэдку.

Зноскі

1. Прусакова Б. М. Салянка // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.. — С. 437
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 117. — 160 с. — 2 350 экз.
3. efloras.org (нявызн.). (англ.)
4. plantsoftheworldonline.org (нявызн.). (англ.)
5. bgbm.org (нявызн.). (англ.)
6. npgsweb.ars-grin.gov (нявызн.). (англ.)
7. Солянка сорная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)