Курчы (род)

Курчы (польск.: Kurczowie) — шляхецкі род гербаў «Радван» і «Курч», прадстаўнікі якога займалі дзяржаўныя і ваенныя пасады ў Вялікім Княстве Літоўскім.

Курчы
Герб «Радван»
Краіна паходжання	Каралеўства Польскае, Вялікае Княства Літоўскае
Першы з роду	Даніла Сямёнавіч Курч

У паняцця ёсць і іншыя значэнні, гл. Курчы.

Валодалі маёнткамі на тэрыторыі сучаснай Беларусі (Сянно, Валеўка, Уснач, Бераставіца, Вусце).

Паходжанне

Паходзілі з Гарадзенскага павета. Першы вядомы прадстаўнік роду — каралеўскі шляхціц Даніла Сямёнавіч Курч (XVI стагоддзе).

Найбольш вядомыя прадстаўнікі

• Марцін Курч (?—1602) — ваявода дорпацкі, жанаты з Соф'яй Сапегай, сястрой канцлера Льва Сапегі.
• Яўстах Курч (?—1647) — кашталян віцебскі
• Стэфан Курч (?—1702) — ваявода берасцейскі, маршалак Трыбунала Вялікага Княства Літоўскага
• Сцяпан Іосіфавіч Курч (1850—1906) — генерал-маёр, вайсковы цэнзар Віленскай ваеннай акругі, камандуючы 50-й пяхотнай брыгадай

Літаратура

• Пазднякоў В. Курчы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 171. — 792 с. — ISBN 985-11-0378-0 (т. 2), ISBN 985-11-0315-2.