Кім Дзмітрыевіч Цесакоў

Кім Дзмітрыевіч Цесакоў (20 лютага 1936, Чэрвень, Мінская вобласць — 19 снежня 2018^[1]) — беларускі кампазітар, заслужаны дзеяч мастацтваў Рэспублікі Беларусь (1998).

Кім Дзмітрыевіч Цесакоў
Род дзейнасці	кампазітар, кінакампазітар, музычны педагог
Дата нараджэння	20 лютага 1936(1936-02-20)
Месца нараджэння	Чэрвень, Чэрвеньскі раён, Беларуская ССР, СССР
Дата смерці	19 снежня 2018(2018-12-19) (82 гады)
Грамадзянства	СССР  Беларусь
Месца працы	Беларуская дзяржаўная акадэмія музыкі Рэспубліканская гімназія-каледж пры Беларускай дзяржаўнай акадэміі музыкі Беларусь
Альма-матар	Гомельскі дзяржаўны каледж мастацтваў імя Н. Ф. Сакалоўскага Новасібірская дзяржаўная кансерваторыя імя М. І. Глінкі
Член у	Саюз кампазітараў СССР[d]
Узнагароды і прэміі

Біяграфія

Пасля заканчэння Гомельскага музычнага вучылішча імя Н. Ф. Сакалоўскага і Навасібірскай дзяржаўнай кансерваторыі Кім Цесакоў выкладаў у Беларускай дзяржаўнай кансерваторыі, Мінскім музычным вучылішчы і сярэдняй спецыяльнай музычнай школе пры кансерваторыі, загадваў рэдакцыяй музычнай літаратуры выдавецтва «Беларусь».

Творчасць

Музыка Кіма Цесакова вылучаецца філасофскай глыбінёй і маштабнасцю вобразна-драматургічнага абагульнення, абапіраецца на беларускія народныя спеўныя традыцыі. Сярод музычнай спадчыны кампазітара сімфонія №4 «Курапаты», завершаная Кімам Цесаковым 8 лютага 1990 года. Гэты першы твор айчыннай музычнай класікі, прысвечаны Курапатам, з поспехам выконваўся ў Беларусі і шэрагу замежны краін. Музыкай сусветнага ўзроўню назваў сімфонію «Курапаты» вядомы дырыжор, народны артыст СССР Яўген Святланаў^[2].

Прэміі і ўзнагароды

Кім Цесакоў — ганаровы грамадзянін Чэрвеня, лаўрэат нацыянальнай прэміі імя Васіля Віткі і ўсесаюзных конкурсаў. Лаўрэат прэміі прфсаюзаў Беларусі (1991). Узнагароджаны медалём Францыска Скарыны.

Зноскі

1. https://minsknews.by/ushel-iz-zhizni-izvestnyiy-belorusskiy-kompozitor-kim-tesakov/ Архівавана 20 снежня 2018.
2. novychas.by