Леў Мікалаевіч Гумілеўскі

Леў Мікалаевіч Гуміле́ўскі (31 кастрычніка 1930, Масква — 3 ліпеня 2021) — беларускі скульптар , народны мастак Беларусі (1991).

Леў Мікалаевіч Гумілеўскі
Дата нараджэння	31 кастрычніка 1930(1930-10-31)
Месца нараджэння	Масква, Маскоўская вобласць, РСФСР, СССР
Дата смерці	3 ліпеня 2021(2021-07-03) (90 гадоў)
Месца смерці	Мінск, Беларусь
Грамадзянства	СССР  Беларусь
Дзеці	Сяргей Львовіч Гумілеўскі
Род дзейнасці	скульптар
Вучоба	Мінскі дзяржаўны мастацкі каледж імя А. К. Глебава Беларуская дзяржаўная акадэмія мастацтваў
Член у	Саюз мастакоў БССР
Прэміі
Узнагароды	Народны мастак Беларусі (1991)

У Вікіпедыі ёсць артыкулы пра іншых людзей з прозвішчам Гумілеўскі.

Біяграфія

Нарадзіўся 31 кастрычніка 1930 года ў Маскве. Пасля вайны апынуўся ў Нясвіжы. Вучыўся ў мастацкай студыі ў мастака М. К. Сеўрука (1946—1949). Скончыў Мінскае мастацкае вучылішча. У 1955 годзе паступіў на аддзяленне скульптуры ў Беларускі дзяржаўны тэатральна-мастацкі інстытут. Вучыўся ў А. К. Глебава, А. А. Бембеля, А. Мазалёва.

Памёр 3 ліпеня 2021 года^[1].

Творчасць

Працаваў у манументальнай і станкавай скульптуры. Асноўныя творы: помнікі Я. Купалу ў Мінску (у суаўтарстве з Анатолем Анікейчыкам і Андрэем Заспіцкім), помнікі Я. Янішчыц, Ал. Клімавай у Мінску, мемарыяльная дошка Ф. Багушэвічу ў Вільнюсе, помнік «Плошча Славы» у Магілёве; станкавыя кампазіцыі «Скіф», «Партызанская сям’я», «А. Міцкевіч» (у сааўтарстве), «Кастусь Каліноўскі», «Ценям Касцюшкі», «А. Пушкін», юным падпольшчыкам братам Сянько (1973) у Мінску, мемарыяльны комплекс у Магілёве «Барацьбітам за савецкую ўладу» (1982), статуя «Русалка» (1990), бюсты Юрыю Нясвіжскаму і Мікалаю Хрыстафору Радзівілу Сіротке ў Нясвіжы і інш. Разам з сынам Сяргеем стварыў помнікі Кірылу Тураўскаму ў Гомелі, Янку Купалу ў Маскве, Францішку Багушэвічу ў Смаргоні^[2].

Узнагароды

• Дзяржаўная прэмія БССР (1974),
• сярэбраны медаль імя Грэкава (1983),
• медаль Францыска Скарыны (2000),
• прэмія Саюзнай дзяржавы (2010).

Зноскі

1. Памяці Льва Гумілеўскага(недаступная спасылка)
2. У Смаргоні паставілі помнік Багушэвічу Архівавана 5 сакавіка 2016.