Лускаўніцы

Лускаўні́цы (Lepismatidae) — сямейства насякомых атрада шчацінахвостак.

Лускаўніцы
Лускаўніца цукровая (Lepisma saccharina)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Бяскрылыя Атрад:  Шчацінахвосткі Сямейства:  Лускаўніцы
Міжнародная навуковая назва
Lepismatidae Latreille, 1802
Тыпавы род
Lepisma
Падсямействы
Ctenolepismatinae Heterolepismatinae Lepismatinae
Сістэматыка на Віківідах Выявы на Вікісховішчы ITIS   99220 NCBI   27551 EOL   7423 FW   177847

Апісанне

Цела верацёнападобнае, у большасці відаў пакрытае лускавікамі (адсюль назва). Вочы фасетачныя, несудакранальныя. Вусікі доўгія, маюцца 3 членістыя прыдаткі на канцы брушка. Ротавыя органы грызучыя. Бяскрылыя. Хутка бегаюць. Актыўныя ноччу.

Пашырэнне

Апісана каля 190 відаў. Пашыраны пераважна ў краінах з цёплым і гарачым кліматам. Жывуць у лясным подсціле, у шчылінах кары, пад камянямі, у глебе, мурашніках, жылых памяшканнях. На Беларусі найбольш трапляюцца лускаўніца звычайная, або цукровая (Lepisma saccharina) і тэрмобія хатняя (Thermobia domestica).

Асаблівасці біялогіі

Развіццё з няпоўным ператварэннем. Лічынкі падобныя на дарослых насякомых, але 3 заднія сегменты вырастаюць пры чарговых ліньках.

Кормяцца жывёльнымі і расліннымі рэшткамі. Псуюць кнігі, цукар, крухмал, муку.

Літаратура

• Ветрава С. М. Лускаўніцы // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.