Людміла Андрэеўна Пастаялка

Людміла Андрэеўна Пастаялка (17 жніўня 1941, пасёлак Жданы Лохвыцкага раёна Палтаўскай вобласці, УССР — 6 сакавіка 2007, Мінск) — беларускі дзяржаўны дзеяч, Міністр аховы здароўя Рэспублікі Беларусь (2002—2005).

Людміла Андрэеўна Пастаялка
член Савета Рэспублікі Нацыянальнага сходу Рэспублікі Беларусь 3-га склікання 2004 — 2008
міністр аховы здароўя Рэспублікі Беларусь[d] 30 ліпеня 2002 — 27 снежня 2005
Папярэднік	Уладзіслаў Аляксеевіч Астапенка
Пераемнік	Віктар Пятровіч Рудэнка
Нараджэнне	17 жніўня 1941(1941-08-17) Жданы[d], Лубэнскі раён, Палтаўская вобласць, УССР, СССР
Смерць	6 сакавіка 2007(2007-03-06) (65 гадоў) Мінск, Беларусь
Месца пахавання	Усходнія могілкі
Муж	Сцяпан Мікалаевіч Пастаялка[d]
Дзеці	Ірына Сцяпанаўна Абельская
Адукацыя	Кіеўскі медыцынскі інстытут (1964)[1]
Месца працы	Брэсцкая дзіцячая абласная бальніца Міністэрства аховы здароўя Рэспублікі Беларусь
Узнагароды

Біяграфія

Нарадзілася 17 жніўня 1941 года ў Палтаўскай вобласці ва Украіне.

У 1964 годзе скончыла Кіеўскі медыцынскі інстытут.

З 1964 па 1973 гады працавала ўчастковым лекарам-тэрапеўтам Брэсцкай дзіцячай паліклінікі.

У 1973—1992 гады — урач-педыятр, загалчык аддзяленнем, намеснік галоўнага ўрача па лячэбнай працы Брэсцкай абласной дзіцячай бальніцы. З чэрвеня 1992 года — галоўны ўрач Брэсцкай абласной дзіцячай бальніцы.

У кастрычніку 2001 года пастановай Савета Міністраў Рэспублікі Беларусь прызначана першым намеснікам Міністра аховы здароўя Рэспублікі Беларусь.

30 ліпеня 2002 года Указам Прэзідэнта Рэспублікі Беларусь № 409 прызначаная Міністрам аховы здароўя Рэспублікі Беларусь^[2].

4 сакавіка 2004 года абрана старшынёй Беларускага таварыства Чырвонага Крыжа.

27 снежня 2005 года Указам Прэзідэнта № 629 вызвалена ад пасады Міністра аховы здароўя ў сувязі з пераводам на іншую працу^[3].

З 28 снежня 2005 года і да сваёй смерці з’яўлялася старшынёй Пастаяннай камісіі Савета Рэспублікі Нацыянальнага сходу Рэспублікі Беларусь па дэмаграфічнай бяспецы і сацыяльнаму развіццю.

Памерла 6 сакавіка 2007 года^[4]. Пахавана ў Мінску на Усходніх могілках.

Узнагароды

• «Заслужаны ўрач Рэспублікі Беларусь» (11 лістапада 2003) — «за заслугі ў ахове здароўя насельніцтва, арганізацыі і аказанні лячэбна-прафілактычнай дапамогі»
• Ордэн Пашаны (2007)

Зноскі

1. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-133215&strq=l_siz=20
2. Указ Прэзідэнта Рэспублікі Беларусь ад 30 ліпеня 2002 №409 "Аб прызначэнні Л.А.Пастаялкі Міністрам аховы здароўя Рэспублікі Беларусь" (руск.)(недаступная спасылка) (2002). Архівавана з першакрыніцы 2 мая 2019. Праверана 14 чэрвеня 2015.
3. Указ Прэзідэнта Рэспублікі Беларусь № 629 "Аб вызваленні Л.А.Пастаялкі ад пасады Міністра аховы здароўя Рэспублікі Беларусь" (руск.) (2005).
4. Памерла Людміла Пастаялка