Людміла Віктараўна Шчэрба

У Вікіпедыі ёсць артыкулы пра іншых людзей з прозвішчам Шчэрба.

Людміла Віктараўна Шчэрба (нар. 29 мая 1973(1973-05-29), Мінск)— беларуская пісьменніца. Сябра Саюза беларускіх пісьменнікаў.

Людміла Віктараўна Шчэрба
Асабістыя звесткі
Дата нараджэння	29 мая 1973(1973-05-29) (52 гады)
Месца нараджэння	Мінск, Беларуская ССР, СССР
Грамадзянства	Беларусь
Бацька	Віктар Васілевіч Шчэрба
Альма-матар	філалагічны факультэт БДУ
Месца працы	Першацвет Камсамольская праўда Беларускі гістарычны часопіс
Прафесійная дзейнасць
Род дзейнасці	пісьменніца, паэтка
Мова твораў	беларуская
Грамадская дзейнасць
Член у	Саюз беларускіх пісьменнікаў
Медыяфайлы на Вікісховішчы

Біяграфія

Нарадзілася 29 мая 1973 года ў Мінску ў сям’і навукоўца-мікрабіёлага Віктара Васілевіча Шчэрбы (1949—2023) і педагагічнай работніцы Валянціны Міхайлаўны Шчэрба.

Скончыла музычную школу па класе цымбалаў, філалагічны факультэт БДУ і аспірантуру Інстытута літаратуры імя Я. Купалы НАН Беларусі. Была сябрам літаратурнага аб’яднання «Першацвет»^[1][2]. Працавала ў часопісе «Першацвет», газеце «Сям’я», літаратурным рэдактарам у «Камсамольскай праўдзе ў Беларусі». Працуе ў «Беларускім гістарычным часопісе».

Творчасць

Выступленнне Людмілы Шчэрбы на сцэне Паэтычнага тэатра «Арт. С».

Вонкавыя відэафайлы
	Выпуск праграмы «Суразмоўцы» на тэлеканале «Беларусь 3» з удзелам Людмілы Шчэрба. 30 жніўня 2019

Пачала пісаць вершы ў дзяцінстве. Друкавалася ў часопісах «Першацвет», «Маладосць», перыядычным друку, у т. л. газеце «Літаратура і Мастацтва».

У 2016 годзе на платформе kniharnia.by электроннай кнігай выйшаў поўны варыянт яе рамана «Уладар рыбаў», напісанага яшчэ ў 2002 годзе.^[2] У 2017 годзе выйшаў раман «Урб@н.М. Адзін дзень не майго жыцця»^[3][4]. У 2020 годзе ў выдавецтве «Кнігазбор» быў выдадзены яе першы зборнік вершаў «Я пакідаю сонца тут…», прэзентацыя якога адбылася ў мінскім культурным хабе «ОК16». Беларускі паэт і журналіст Навум Гальпяровіч, які напісаў прадмову да кнігі, параўнаў тую прэзентацыю з тымі часамі, калі на сустрэчу з паэтамі збіраліся стадыёны^[5].

Удзельнічала у імпрэзах Паэтычнага тэатра «Арт.С»^[6], сярод іншага ў яго праекце «Сакральная Беларусь»^[7]. Брала ўдзел у перадачах на радыё і тэлебачанні.^[2]

З 9 чэрвеня 2020 года — сябра Саюза беларускіх пісьменнікаў^[8].

Бібліяграфія

Раманы

• «Уладар рыбаў» (2016)
• «Урб@н.М. Адзін дзень не майго жыцця» (2017)

Зборнікі вершаў

• «Я пакідаю сонца тут…» (2020, выд. «Кнігазбор»)

Вершы

• [вершы] // Верасень № 17, 2017;
• Сэрца страляе вершам… [вершы] // Літаратура і мастацтва № 16, 19 крас. 2019. — С. 8.

Прызнанне

• Шорт-ліст літаратурнай прэміі «Гліняны Вялес — 2017» з раманам «Урб@н.М. Адзін дзень не майго жыцця»