Ляхаўцы (Маларыцкі раён)

У паняцця ёсць і іншыя значэнні, гл. Ляхаўцы.

Ля́хаўцы^[1] (трансліт.: Liachaŭcy, руск.: Ляховцы) — аграгарадок у Маларыцкім раёне Брэсцкай вобласці. Уваходзіць у склад Макранскага сельсавета.

Аграгарадок Ляхаўцы Краіна Беларусь Вобласць Брэсцкая Раён Маларыцкі Сельсавет Макранскі Каардынаты 51°47′54,70″ пн. ш. 24°11′58,80″ у. д.HGЯO Колькасць двароў 689 Насельніцтва ▼862 чал. (2009) Часавы пояс UTC+3 Тэлефонны код +375 1651 Паштовы індэкс 225905 Аўтамабільны код 1 СААТА 1252820021 Ляхаўцы на карце Беларусі ±

Ляхаўцы на Вікісховішчы

Геаграфія

Знаходзіцца за 8 км ад горада Маларыта, за 60 км ад Брэста, на рацэ Рыта^[2].

Гісторыя

У 1940—1954 гадах цэнтр Ляхавецкага сельсавета.

У 2016 годзе ў склад аграгарадка ўключана вёска Кожух.

Насельніцтва

• 1999 год — 1179 жыхароў, 440 двароў^[2].

Славутасці

Царква Нараджэння Божай Маці

Свята-Мікалаеўская царква

Ікона «Нараджэнне Маці Божай» з вёскі Ляхаўцы, 1648—1650. НММ РБ

У вёсцы знаходзіцца Царква Нараджэння Божай Маці, пабудаваная ў 1713 годзе, а пасля перабудаваная ў сярэдзіне XIX стагоддзя^[3]. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэспубліканскага значэння.

У межах вёскі знаходзіцца адзінкавая магіла часоў Вялікай Айчыннай вайны, якая занесена ў Дзяржаўны спіс гісторыка-культурных каштоўнасцей Рэспублікі Беларусь як гісторыка-культурная каштоўнасць рэгіянальнага значэння.

Таксама ў вёсцы пабудавана Капліца Святога Мікалая, пабудаваная ў 1835 годзе^[4], адкуль паходзіць самая ранняя з вядомых у Беларусі выяў «Нараджэння Маці Божай», якая спалучае традыцыйны варыянт іканаграфіі з фігурай праведнай Ганны, дзеў з дарункамі і сцэнай абмывання нованароджанай Марыі і сцэну «Ласканне Багародзіцы»^[5]. Аўтар іконы — Маларыцкі майстар, якога адносяць да Заходнепалескай іканапіснай школы.

Вядомыя асобы

• Пётр Іванавіч Пачанчук (1954—1991) — беларускі спартсмен.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Ляхаўцы́
2. Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9.
3. Ляхаўцы (Маларыцкі раён) на сайце Radzima.org
4. Ляхаўцы (Маларыцкі раён) на сайце Radzima.org
5. Православие на Малоритчине Архівавана 27 ліпеня 2018. (руск.)