Маруна лжывая

Маруна лжывая^[1], Маруна Вайяна^[2], Маруна Ваяна^[3] (Galium spurium) — від раслін сямейства Марэнавыя (Rubiaceae), распаўсюджаны ў Еўропе, Афрыцы, Азіі, Канадзе.

Маруна лжывая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарычкакветныя Сямейства:  Марэнавыя Падсямейства:  Марэнавыя Трыба:  Rubieae Род:  Маруна Від:  Маруна лжывая
Міжнародная навуковая назва
Galium spurium L., Sp. Pl. 1: 106 (1753)
Сінонімы
Galium vaillantii DC.
Сістэматыка на Віківідах Выявы на Вікісховішчы ITIS   34926 NCBI   1117032 EOL   1110448 IPNI   750665-1 TPL   kew-87547

У паняцця ёсць і іншыя значэнні, гл. Макрэц (значэнні).

Назва

Маруна лжывая, дзяргун, макрыца цвятная, макрэц, павіліца^[4][5][6].

Апісанне

Слабая павойная аднагадовая трава 0,3—1,8 м даўжынёй з калючымі, але часам аголенымі сцебламі. Лісце і прылісткі растуць кольцамі па 6—8, пласціны лінейна-ланцэтныя, звужаныя пры аснаванні, памерам 1—4(4,7) см × 1—3(6) мм, з ніткападобным кончыкам на верхавіне, ля аснавання клінаватыя, палі і цэнтральная жылка з грубымі калючкамі, што робіць усю расліну учэпістай^[7].

Суквецці (паўпарасонікі) 1—9-кветкавыя, але часам са шматлікімі пладамі, якія растуць у вузлах асноўнага сцябла ці галоўных галін; кветаножкі 0-3.2(3.7) см даўжынёй. Чашачка апушаная або голая. Вяночак зелянява-белай, белай, зялёнай або жаўтлявай афарбоўкі, 1—2 мм шырынёй; трубка 0,3—0,4 мм даўжынёй; пялёсткі 0,7—1,1 × 0,5—0,6 мм. Плады пакрытыя кручкападобнымі валасінкамі, без грудкоў (вельмі рэдка з грудкамі) або голыя^[3][7]. Плод — 2-дольны схізакарп, плодалісцікі паўсферычныя, 2-3 мм шырынёй^[8].

Распаўсюджанне

Распаўсюджаны ў Еўропе, Афрыцы, Азі, Паўночнай Амерыцы: Канадзе^[7].

Ва Украіне расце ў зарасніках кустоў, як пустазелле ў пасевах і садках — на ўсёй тэрыторыі^[3].

Галерэя

• 
  Сцябло
• 
  Кола лісця
• 
  Суквецці
• 
  Плод

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 57. — 160 с. — 2 350 экз.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 57. — 160 с. — 2 350 экз. — у крыніцы пад назвай Galium vaillantii DC.
3. Доброчаева Д. Н., Котов М. И., Прокудин Ю. Н., и др. Определитель высших растений Украины. — К.: Наук. думка, 1987. — С. 261. (руск.) (укр.)
4. Анненков Н.  (руск.) Ботанический словарь, Спб, 1878
5. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. — Горы-Горкі, 1927
6. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
7. plantsoftheworldonline.org (нявызн.). (англ.)
8. luontoportti.com (нявызн.). (англ.)