Максім Юр’евіч Вітус

Максім Вітус (нар. 11 лютага 1989, Ваўкавыск) — беларускі футбаліст, абаронца.

Максім Вітус
Агульная інфармацыя
Поўнае імя	Максім Юр’евіч Вітус
Нарадзіўся	11 лютага 1989(1989-02-11)[1][2][…] (36 гадоў) Ваўкавыск, Ваўкавыскі раён, Гродзенская вобласць, Беларуская ССР, СССР
Грамадзянства	Беларусь
Рост	181 см
Вага	76 кг
Пазіцыя	абаронца
Клубная кар’ера[* 1]
2006 ПМЦ (Паставы) 13 (0) 2006—2011 Партызан (Мінск) 59 (0) 2012—2014 Нёман (Гродна) 79 (3) 2015 Дынама (Мінск) 19 (0) 2016 Спліт 22 (0) 2017—2020 Дынама (Брэст) 83 (0)
Нацыянальная зборная[* 2]
2005 Беларусь (да 17) 3 (0) 2007—2008 Беларусь (да 19) 6 (1) 2008—2010 Беларусь (да 21) 8 (0) 2011—2012 Беларусь (алімпійская) 5 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Клубная кар’ера

Выхаванец ваўкавыскага футбола, з 2007 года гуляў у мінскім МТЗ-РІПА (пазней «Партызан»). У лютым 2012 года, пасля распаду «Партызана», трапіў у гродзенскі «Нёман», дзе стаў асноўным левым абаронцам. У сезоне 2013 некаторы час выкарыстоўваўся як флангавы паўабаронца, але пазней вярнуўся на звыклую пазіцыю левага абаронцы.

У кастрычніку 2014 года быў на праглядзе ў казахстанскім «Кайсары»^[3], але пазней вярнуўся ў Гродна. У снежні 2014 года быў на праглядзе ў польскай «Завішы», але не падышоў клубу^[4]. У студзені 2015 года, пакінуўшы «Нёман»^[5], адправіўся разам з мінскім «Дынама» ў Турцыю на прагляд^[6]. Знаходзіўся ў «Дынама» два месяцы, і нарэшце 19 сакавіка 2015 года падпісаў кантракт з клубам^[7]. У складзе дынамаўцаў здолеў замацавацца на пазіцыі левага абаронцы.

У студзені 2016 года ў якасці свабоднага агента падпісаў кантракт з харвацкім клубам «Спліт»^[8]. У лістападзе 2016 года па ўзаемнай згодзе разарваў кантракт са «Сплітам»^[9].

Пасля зыходу са «Спліта» Вітусам цікавіўся шэраг беларускіх і замежных клубаў. 1 лютага 2017 года было абвешчана аб пераходзе абаронцы ў брэсцкае «Дынама»^[10]. У складзе брэсцкай каманды стаў асноўным левым абаронцам. У снежні 2017 года падоўжыў кантракт з брэсцкім клубам да канца 2020 года^[11]. У сезоне 2019 заставаўся іграком асноўнага складу, у чэрвені і ліпені не гуляў з-за траўмы. У снежні 2019 года пакінуў брэсцкі клуб^[12], аднак у студзені 2020 года вярнуўся і падпісаў новы кантракт з дынамаўцамі на адзін год^[13]. У сезоне 2020 з’яўляўся на полі нерэгулярна, нярэдка заставаўся на лаўцы запасных.

У снежні 2020 года разам з большасцю асноўнага складу пакінуў брэсцкі клуб. Пазней, завяршыўшы кар’еру ў футболе, стаў працаваць у сферы IT^[14].

Міжнародная кар’ера

Гуляў за моладзевую зборную Беларусі. З’яўляўся іграком алімпійскай зборнай Беларусі і трапіў у заяўку на Алімпійскія гульні 2012, але атрымаў траўму ў кантрольным матчы супраць лонданскага «Альянса аматараў футбола», і замест яго на Алімпіядзе выступіў Максім Скавыш.

Дасягненні

• 01 Чэмпіён Беларусі: 2019
• 02 Срэбраны прызёр чэмпіянату Беларусі: 2015
• 03 Бронзавы прызёр чэмпіянату Беларусі: 2008
• Уладальнік Кубка Беларусі (2): 2017, 2018
• Уладальнік Суперкубка Беларусі (3): 2018, 2019, 2020

Статыстыка выступленняў

Сезон	Дывізіён	Клуб	Краіна	Матчы	Галы
2006	Д3	ПМЦ		13	0
2006	дубль	МТЗ-РІПА		11	0
2007	дубль	МТЗ-РІПА		19	0
2008	Д1	МТЗ-РІПА		5	0
2009	Д1	МТЗ-РІПА		6	0
2010	Д1	Партызан		19	0
2011	Д2	Партызан		29	0
2012	Д1	Нёман		23	2
2013	Д1	Нёман		29	1
2014	Д1	Нёман		27	0
2015	Д1	Дынама (Мінск)		19	0
2015/16 (2)	Д1	Спліт		11	0
2016/17 (1)	Д1	Спліт		11	0
2017	Д1	Дынама (Брэст)		24	0
2018	Д1	Дынама (Брэст)		23	0
2019	Д1	Дынама (Брэст)		21	0
2020	Д1	Дынама (Брэст)		15	0