Маркоўнік лясны

Марко́ўнік лясны, ствольны цвет, вадзяны кроп^[2] (Anthriscus sylvestris) — від кветкавых раслін роду Маркоўнік (Anthriscus) сямейства Парасонавыя (Apiaceae).

Маркоўнік лясны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Падсямейства:  Apioideae Трыба:  Scandiceae Падтрыба:  Scandicinae Род:  Маркоўнік Від:  Маркоўнік лясны
Міжнародная навуковая назва
Anthriscus sylvestris (L.) Hoffm., 1814
Падвіды
Anthriscus sylvestris subsp. alpina Anthriscus sylvestris subsp. fumarioides Anthriscus sylvestris subsp. mollis (Boiss. & Reut.) Maire[1] Anthriscus sylvestris subsp. nemorosa Anthriscus sylvestris subsp. sylvestris
Сістэматыка на Віківідах Выявы на Вікісховішчы ITIS   29588 NCBI   48027 EOL   584996 GRIN   t:316555 IPNI   837969-1 TPL   kew-2641868

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Шматгадовая^[2] травяністая, злёгку апушаная расліна вышынёй 50—120^[2] см з тоўстым коранем верацёнападобнай формы. Сцябло прамастойнае, баразнаватае, моцна разгалінаванае ў верхняй частцы. Лісце чаргаванае, тройчы перыстае. Долі лістоў ланцэтападобнай формы, завостраныя, пілаватыя па краі. Ніжняе лісце з доўгімі чаранкамі, сцябловае — сядзячае, з похвамі. Кветкі дробныя, белага колеру з жаўтаватым або зеленаватым адценнем, у парасоніках з 8—15 прамянямі, сабранымі ў шчыткападобныя суквецці. Плод — віслаплоднік даўжынёй 6—8^[2] мм.

Распаўсюджанне і экалогія

Расліна распаўсюджана на тэрыторыі Еўропы, Афрыкі, умераных і трапічных (Індыя, Непал) абласцей Азіі^[3]. Натуралізавалася ў іншых рэгіёнах, у тым ліку ў Паўночнай Амерыцы і Чылі^[3].

Святлолюбівая і ценевынослівая расліна, мезафіт і эўтроф (нітрафіл)^[4]. Расце на лугах, у светлых лясах, прыбярэжных хмызняках і па берагах вадаёмаў, каля жылля і дарог, на пашах, аблогах, пустках. Цвіце ў маі—ліпені^[2].

Лекавая расліна.

Зноскі

1. Anthriscus sylvestris (L.) Hoffm. (англ.) // The Plant List
2. Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
3. Taxon: Anthriscus sylvestris (L.) Hoffm. (англ.) // Germplasm Resources Information Network (GRIN-Taxonomy)
4. Купырь лесной: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)