Марк Залманавіч Фрэйдзін

У Вікіпедыі ёсць артыкулы пра іншых людзей з прозвішчам Фрэйдзін.

Марк Залманавіч Фрэйдзін (нар. 24 красавіка 1932, Горкі, Магілёўская вобласць) — беларускі эканаміст, заслужаны эканаміст БССР, кандыдат эканамічных навук, прафесар.

Марк Залманавіч Фрэйдзін
Дата нараджэння	24 красавіка 1932(1932-04-24) (93 гады)
Месца нараджэння	Горкі, Горацкі раён, Беларуская ССР, СССР
Род дзейнасці	навуковец
Месца працы	Беларуская дзяржаўная сельскагаспадарчая акадэмія
Навуковае званне	прафесар акадэмік Беларускай інжынернай акадэміі
Альма-матар	Беларуская дзяржаўная сельскагаспадарчая акадэмія (1955)
Узнагароды	Заслужаны эканаміст Беларускай ССР (1990) Ганаровая грамата Савета Міністраў Рэспублікі Беларусь (2002) ганаровая грамата Нацыянальнага сходу Рэспублікі Беларусь (2005) Выдатнік народнай адукацыі БССР[d] Ганаровая грамата Міністэрства сельскай гаспадаркі і харчавання Рэспублікі Беларусь[d]

Біяграфія

Скончыў сярэднюю школу № 2 г. Горкі з сярэбраным медалём (1951), эканамічны факультэт Беларускай сельскагаспадарчай акадэміі з адзнакай (1955). З 1956 г. працаваў старшынёй раённай планавай камісіі Горацкага райвыканкама. У 1960—1961 гг. вучыўся ў аспірантуры кафедры арганізацыі сельскагаспадарчай вытворчасці БСГА. З 1962 г. працаваў начальнікам планава-фінансавага аддзела Горацкага тэрытарыяльнага вытворчага калгасна-саўгаснага кіравання і пераведзены ў завочную аспірантуру. У 1966 г. М. З. Фрэйздін абараніў кандыдацкую дысертацыю на тэму «Унутрыраённая спецыялізацыя сельскагаспадарчых прадпрыемстваў (на прыкладзе калгасаў і саўгасаў Горацкага раёна Магілёўскай вобласці БССР)». У 1966 г. пераходзіць на працу ў БСГА і абіраецца на пасаду старэйшага выкладчыка кафедры арганізацыі і планавання вытворчасці ў калгасах і саўгасах. У 1969 г. зацверджаны ў вучоным званні дацэнта.

У верасня 1971 г. М. З. Фрэйдзін абіраецца на пасаду загадчыка кафедры кіравання. Ім упершыню ў рэспубліцы распрацаваны курс «Кіраванне сельскагаспадарчым вытворчасцю з асновамі менеджменту». Са снежня 1988 г. ён узначальвае зноў створаную кафедру эканамічных адносін і кіравання ў АПК, якая ў 1993 г. была пераўтворана ў кафедру аграбізнесу. У 1990 г. яму прысвоена званне «Заслужаны эканаміст БССР», у 1997 г. — вучонае званне прафесара. У 1997 г. абраны членам-карэспандэнтам Беларускай інжынернай акадэміі, а ў 1999 г. — акадэмікам.

Навуковая дзейнасць

Навуковыя даследаванні прысвечаны распрацоўцы тэорыі і практыкі адаптацыі сельскагаспадарчых прадпрыемстваў да рынкавых умоў у пераходны перыяд, станаўленню і развіццю аграбізнесу шляхам распрацоўкі мадэляў арганізацыйна-прававых формаў гаспадарання буйнатаварных рынкавых структур.

Аўтар і сааўтар 172 навуковых і вучэбна-метадычных прац, публікацыі на англійскай і польскай мовах. На кафедры аграбізнесу пад кіраўніцтвам М. З. Фрэйздіна створана навуковая школа, якая атрымала прызнанне не толькі ў рэспубліцы, але і за мяжой. Суіскальнікамі кафедры былі 3 грамадзяніна Польшчы, якія паспяхова абаранілі 2 доктарскія і 1 кандыдацкую дысертацыі. Пад кіраўніцтвам М. З. Фрэйздіна кафедра супрацоўнічае з Цэнтрам аграрнай эканомікі Інстытута эканомікі НАН Беларусі, Акадэміяй менеджменту і аграбізнесу Нечарназёмнай зоны Расійскай Федэрацыі (Санкт-Пецярбург), кафедры кансультавання ў аграбізнесе Сельскагаспадарчай акадэміі ў Шчэціне  (польск.) (Польшча), кафедры аграбізнесу Вармінска-Мазурскага ўніверсітэта ў Ольштыне (Польшча).

Сям’я

Стрыечны брат мастака Якава Сімкіна.

Узнагароды

• Ордэн «Знак Пашаны» (1986)
• Медаль «За доблесную працу» (1970)
• Ганаровая грамата Вярхоўнага Савета БССР (1982)
• Медаль «Ветэран працы» (1987)
• Прысвоена званне «Заслужаны эканаміст БССР» (1990)
• Ганаровая грамата Прэзідыума Вярхоўнага Савета Рэспублікі Беларусь (1995)
• Ганаровая грамата Савета Міністраў Рэспублікі Беларусь (2002)
• Ганаровая грамата Нацыянальнага сходу Рэспублікі Беларусь (2005)
• Медаль камісіі народнай адукацыі Польшчы
• Знак «Выдатнік народнай адукацыі БССР»
• Знак таварыства «Веды»: «За актыўную працу»
• Ганаровыя граматы Міністэрства сельскай гаспадаркі і харчавання Рэспублікі Беларусь.
• Медаль Францыска Скарыны (2012)

Бібліяграфія

• Задачник по организации и планированию производства в колхозах и совхозах. В соавт. — Горки: ред.изд. отдел БГСХА, 1969. — 167 с.
• Арендные отношения в подразделениях животноводства В соавт. — Мн.: Ураджай, 1992. — 224 с.
• Кооператив кооперативов (в соавторстве). — Мн.: Ураджай, 1992—168 с.
• Арендные отношения в растениеводстве (в соавторстве), — Мн.: Ураджай, 1993—247 с.
• Психология управления сельскохозяйственным коллективом. В соавт. — Мн.: Ураджай, 1993—184 с.
• Бизнес-планирование на предприятиях АПК В соавт. — Горки: ред.изд. отдел БГСХА, 1997. — 152 с.
• Организационно-экономические отношения в агропромышленном комплексе переходного периода. В соавт. — Смоленск — Горки. 1998. — 247 с.
• Консультации в сфере агробизнеса. В соавт. Учебное пособие. — Щецин-Горки, 1999. — 282 с.
• Реформирование агропромышленного комплекса: Учебное В соавт. — Мн.: БелНИИАЭ, 2002. — 420 с.
• Научные принципы регулирования развития АПК: предложения и механизмы реализации. В соавт. — Мн.: ИАЭ НАН Беларуси, 2004. — 188 с.
• Социально-экономические уклады в сельском хозяйстве Республики Беларусь: состояние и перспективы развития// Lokal development — use of eu and regional tools. Tom 1: Materialy miedzynarodowej konferencji naukowej, Szczecin, 20-23 czerwieca 2005/ Academia rolnicza w Szczecinie. Bialoruska akademia rolnicza w Gorkach. Miedzynarodowa akademia rolniczego ksztalcenia (MAAO) w Moskwie. — Szczecin: AR w Szczecinie, 2005. — S.213-221.

Зноскі