Марцін Валадковіч

Марцін Валадковіч герба «Радван» (каля 1500 — да 1592) — вялікалітоўскі дзяржаўны дзеяч. Дзяк гаспадарскі (згадв. 1559), пісар земскі менскі (з 1565), суддзя земскі менскі (з 1570), гараднічы менскі.

Марцін Валадковіч
1-ы пісар земскі менскі[d] 30 красавіка 1565 — 15 лістапада 1570
Пераемнік	Стэфан Гладкі[d]
2-і суддзя земскі менскі[d] з 15 лістапада 1570
Папярэднік	Рыгор Рагоза[d]
Пераемнік	Рыгор Макаровіч[d]
гараднічы менскі[d] з 1571
Папярэднік	Васіль Тышкевіч
Пераемнік	Адам Валадковіч[d]
Нараджэнне	не пазней за 1500
Смерць	не раней за 13 студзеня 1590 і не пазней за 13 снежня 1592
Род	Валадковічы
Жонка	Людміла з Есманаў[d] і Раіна з Друцкіх-Горскіх[d][1]
Дзеці	Марцін Валадковіч[2], Паланея з Валадковічаў[d][3], Адам Валадковіч[d][2], Настасся з Валадковічаў[d][2], Рыгор Валадковіч[d][2], Яраш Валадковіч[d][2] і Марына з Валадковічаў[d][2]

Біяграфія

З баярскага роду Валадковічаў, якія паходзілі з Віцебскага ваяводства або Рудамінскага павета.

Упершыню нейкі Марцін Валадковіч згадваецца ў 1520 годзе, калі быў княжацкім суддзём пры разглядзе справы пра збіццё маці сынам^[4]. Прынамсі ў канцы 1530-х — пачатку 1540-х гадоў служыў пісарам канцылярыі слуцкіх князёў Алелькавічаў^[5], таксама прадстаўляў іх у судзе як пракуратар. Трымаў ад слуцкіх князёў маёнтак Савічы^[6]. Сынам слуцкага князя Юрыя Сямёнавіча пасля 1551 года не служыў.

У 1558 годзе быў уласнікам маёнтка Вялікае Грозава, які межаваў са Слуцкім княствам, і зямель у маёнтку Грэск^[7]. На пачатку Лівонскай вайны выконваў даручэнні па перамовах з Масквой.

З 1565 года земскі пісар менскі. Быў гаспадарскім паслом на менскім павятовым сойміку 1566 года. Браў удзел у 2-й (1566), а пазней і 3-й (1588) рэдакцыях Статуту ВКЛ. Быў гаспадарскім паслом на Люблінскім сейме (1569). З 1570 года суддзя земскі менскі. Па даручэнні Мсцібогаўскага з’езда вялікалітоўскай шляхты ў 1576 годзе быў у пасольстве да Стэфана Баторыя.

Быў жанаты з Людмілай Есманоўнай; у другім шлюбе з Раінай кн. Друцкай-Горскай (не пазней за 1560).

Гл. таксама

• Казімір Валадковіч

Зноскі

1. Князі Друцкія-Горскія ў Вялікім Княстве Літоўскім у XV—XVIII стст. / пад рэд. В. У. Галубовіч, С. А. Рыбчонак, А. І. Шаланда — 2016. — С. 80. — 400 с. — ISBN 978-985-90380-3-7

   <a href='https://wikidata.org/wiki/Track:Q124078834'></a>
2. Князі Друцкія-Горскія ў Вялікім Княстве Літоўскім у XV—XVIII стст. / пад рэд. В. У. Галубовіч, С. А. Рыбчонак, А. І. Шаланда — 2016. — С. 82. — 400 с. — ISBN 978-985-90380-3-7

   <a href='https://wikidata.org/wiki/Track:Q124078834'></a>
3. Князі Друцкія-Горскія ў Вялікім Княстве Літоўскім у XV—XVIII стст. / пад рэд. В. У. Галубовіч, С. А. Рыбчонак, А. І. Шаланда — 2016. — С. 88. — 400 с. — ISBN 978-985-90380-3-7

   <a href='https://wikidata.org/wiki/Track:Q124078834'></a>
4. РИБ. Т. ХХ. Стб. 1481. № 162.
5. Lietuvos Metrika (1540—1541). 10-oji Teismų bylų knyga (XVI a. pabaigos kopija). Spaudai parengė S. Lazutka, I. Valikonytė, S. Viskantaitė-Saviščevienė, J. Karpavičienė, Vilnius: Vilniaus universiteto leidykla, 2003, LXVIII+262 p., 500 egz. — Р. 62. № 91; P. 107. № 167.
6. AGAD. AR. Dz. X. Akta niesygnowane. Papiery ks. Słuckich. Паводле: Скяп’ян А. А. Двор і слугі…
7. Минская старина. Вып. 4. — Минск, 1913. — С. 1