Марыя Емяльянаўна Юркевіч

У Вікіпедыі ёсць артыкулы пра іншых людзей з прозвішчам Юркевіч.

Марыя Емяльянаўна Юркевіч (нар. 5 чэрвеня 1916, Варонічы, Цітвянская воласць, Ігуменскі павет — 1996) — Герой Сацыялістычнай Працы (1950), палявод^[1].

Марыя Емяльянаўна Юркевіч
Дата нараджэння	5 чэрвеня 1916(1916-06-05)
Месца нараджэння	Варонічы, Цітвянская воласць, Ігуменскі павет, Мінская губерня, Расійская імперыя
Дата смерці	1996
Грамадзянства	СССР  Беларусь
Узнагароды і прэміі

Біяграфія

Нарадзілася ў вёсцы Варонічы, цяпер Пухавіцкі раён Мінская вобласць. У 1930—1941 гадах працавала паляводам у калгасе «Кастрычніцкі» Рудзенскага раёна ^[1].

Пасля вызвалення Рудзенска ў 1944 годзе аднаўляла разбураную калгасную гаспадарку.

З 1944 годзе — звеннявая звяна па вырошчванні тэхнічных культур у калгасе «Кастрычніцкі» Рудзенскага раёна, з 1960 года працавала ў саўгасе «Рудзенскі» Пухавіцкага раёна^[1].

Працавала ў дзіцячым садку да выйсця ў 1971 годзе на пенсію.

Абіралася дэпутатам сельскага Савета дэпутатаў працаўнікоў. Была персанальным пенсіянерам саюзнага значэння. Жыла ў роднай вёсцы.

Узнагароды

Указам Прэзідыума Вярхоўнага Савета СССР ад 27 чэрвеня 1950 года за высокі ўраджай кок-сагыза^[1] ўганаравана звання Героя Сацыялістычнай Працы з уручэннем ордэна Леніна і залатога медаля «Серп і Молат».

Зноскі

1. Юркевич Мария Емельяновна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 712. — 737 с.