Марыя Сяргееўна Бялінская

Марыя Сяргееўна Бялінская (22 ліпеня 1906, г. Магілёў — 3 мая 1990^[1]) — беларуская савецкая актрыса. Народная артыстка БССР (1953)^[2].

Марыя Сяргееўна Бялінская
Дата нараджэння	22 ліпеня 1906(1906-07-22)
Месца нараджэння	Магілёў, Магілёўская губерня, Расійская імперыя
Дата смерці	3 мая 1990(1990-05-03) (83 гады)
Грамадзянства	Расійская імперыя  СССР
Муж	Іосіф Львовіч Дорскі
Адукацыя	Беларуская драматычная студыя (1926)
Прафесія	актрыса
Тэатр	Нацыянальны акадэмічны драматычны тэатр імя Якуба Коласа Нацыянальны акадэмічны тэатр імя Янкі Купалы
Узнагароды
IMDb	ID 7580555

Біяграфія

Скончыла Беларускую драматычную студыю ў Маскве ў 1926 годзе. Працавала ў Беларускім тэатры імя Я. Коласа (у 1944 у складзе тэатральнай франтавой брыгады). У 1965-79 у Беларускім тэатры імя Я. Купалы^[2].

Ролі

Выканаўца роляў гераінь, затым — характарных. У сцэнічным мастацтве Бялінскай мяккі лірызм арганічна спалучаўся з узвышшам і драматызмам^[2].

У тэатры

Сярод лепшых роляў: Марына («Вайна вайне» Я. Коласа), Таццяна Марыч («Над Бярозай-ракой» П. Глебкі), Глушачыха («Людзі на балоце» паводле І. Мележа), Поля, Шурка («Мяшчане  (руск.)», «Ягор Булычоў і іншыя  (руск.)» М. Горкага), Марыя Антонаўна («Рэвізор» М. Гогаля), Афелія  (руск.) («Гамлет» У. Шэкспіра), Марыя Аляксандраўна («Сям’я» І. Папова  (руск.)), Зіначка («Завея» Л. Лявонава)^[2].

У кіно

Здымалася ў эпізодах серыяла «Атланты і карыятыды  (руск.)» А. Гутковіча (1980) і фільма «Апошні хлеб» Б. Сцяпанава (1963)^[3].

Сям’я

У шлюбе з тэатральным дзеячам Іосіфам Дорскім.

Зноскі

1. Белорусские актёры театра и кино Архівавана 16 лістапада 2012.
2. Белинская Мария Сергеевна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 49. — 737 с.
3. Белинская Мария Сергеевна (руск.)