Мар’янова (Бярозаўскі раён)

У паняцця ёсць і іншыя значэнні, гл. Мар'янова.

Мар'яно́ва^[1] (трансліт.: Marjanova, руск.: Марьяново) — вёска ў Бярозаўскім раёне Брэсцкай вобласці. Уваходзіць у склад Сігневіцкага сельсавета. Размешчана за 9 км ад Бярозы, за 13 км ад чыгуначнай станцыі Бяроза-Картузская.

Вёска Мар'янова Краіна Беларусь Вобласць Брэсцкая Раён Бярозаўскі Сельсавет Сігневіцкі Каардынаты 52°27′34″ пн. ш. 24°56′14″ у. д.HGЯO Насельніцтва ▼17 чал. (2019) Часавы пояс UTC+3 Тэлефонны код +375 1643 Паштовыя індэксы 225223 Аўтамабільны код 1 СААТА 1208857031 Мар'янова Мар'янова

Гісторыя

У 1864 годзе ў Сігневіцкай воласці Пружанскага павета Гродзенскай губерні. пад назвай Мар'янаполь. У 1890 годзе в. Мар'ямполь, альбо Навасёлкі, у Равяціцкай воласці.

З 1915 года акупіравана германскімі войскамі, з 1919 года да ліпеня 1920 года і з жніўня 1920 года — войскамі Польшчы. У ліпені—жніўні 1920 устаноўлена савецкая ўлада.

З 1921 года ў складзе Польшчы. У 1924 годзе в. Мар'яполь (Навасёлкі) у Равяціцкай гміне Пружанскага павета Палескага ваяводства, 37 будынкаў. З 1932 года ў Сігневіцкай гміне.

З 1939 года ў БССР. З 1940 года вёска ва Уманскім, з 23 мая 1940 года — у Сігневіцкім сельсавеце.

У 1941—1944 гг. акупіравана нямецка-фашысцкімі захопнікамі.

Планіроўка

Планіровачна складаецца з просталінейнай вуліцы, арыентаванай з поўначы на паўднёвы захад, двухбакова забудаванай.

Насельніцтва

• XX стагоддзе:
  • 1905 — 178 жыхароў.
  • 1924 — 154 жыхары.
  • 1940 — 41 двор, 251 жыхар.
  • 1959 — 56 гаспадарак, 206 жыхароў.
  • 1970 — 202 жыхары.
• XXI стагоддзе:
  • 2005 — 28 двароў, 40 жыхароў.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)