Маскоўшчына (Віленскі раён)

У паняцця ёсць і іншыя значэнні, гл. Маскоўшчына (значэнні).

Маскоўшчына, таксама Ма́сквішкес^[5] (літ.: Maskviškės) — вёска ў Віленскім раёне Віленскага павета Літвы. Уваходзіць у склад Дукштаўскай сянюніі. Знаходзіцца за 8 км на паўночны захад ад Дукштаў.

Вёска
Маскоўшчына
літ.: Maskviškės
54°52′30″ пн. ш. 24°55′12″ у. д.HGЯO
Краіна	Літва
Павет	Віленскі
Раён	Віленскі
Сянюнія	Дукштаўская
Гісторыя і геаграфія
Назвы на іншых мовах	польск.: Moskowszczyzna[1], руск. дарэф. Московщизна[2], Московщина[3][4]
Часавы пояс	UTC+2, летам UTC+3
Насельніцтва
Насельніцтва	2 чалавекі (2011)
Паказаць/схаваць карты
Маскоўшчына

Гісторыя

У часы Першай сусветнай вайны ў 1915 годзе Маскоўшчыну занялі войскі Германскай імперыі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі^[6]. У пачатку 1919 года тэрыторыя занята Чырвонай Арміяй^[7]. З 27 лютага 1919 года — у ЛітБел ССР, у канцы сакавіка занята польскімі войскамі.

З 1920 года ўваходзіла ў склад Сярэдняй Літвы, з 1922 да 1939 года — у складзе гміны Мейшагола Віленска-Троцкага павета Віленскага ваяводства Польскай Рэспублікі^[8].

З пачаткам Другой сусветнай вайны ў верасні 1939 года занята савецкімі войскамі. Паводле савецка-літоўскага дагавора аб узаемадапамозе, падпісанага 10 кастрычніка 1939 года, Маскоўшчына разам з часткай Віленскага краю была перададзена Літве, з 1940 года — у Літоўскай ССР. У 1941—1944 гадах пад акупацыяй Германіі.

З 1990 года — у складзе незалежнай Літвы.

Насельніцтва

Дынаміка насельніцтва з 1905 па 2011
1905[9]	1931[10]	1959пер.[11]	1970пер.[11]	1979пер.[12]	1989пер.[13]	2001пер.[14]	2011пер.[15]
29	44	26	17	12	7	3	2
Гістаграма дынамікі насельніцтва