Мейшагола (гміна)

Гміна Мейшагола (польск.: Gmina Mejszagoła) — колішняя вясковая гміна, што існавала да 1939 года на тэрыторыі Віленскай зямлі / Віленскага ваяводства (цяпер тэрыторыя Літвы). Адміністрацыйным цэнтрам была Мейшагола^[3].

Мейшагола
польск.: Gmina Mejszagoła
Краіна	Польская Рэспубліка
Уваходзіць у	1919–1920: Віленская акруга 1920–1922: Сярэдняя Літва 1922–1926: Віленская зямля 1926–1939: Віленскае ваяводства
Уключае	384 грамады
Адміністрацыйны цэнтр	Мейшагола
Дата ўтварэння	1922
Дата скасавання	1939[1]
Насельніцтва (1931)	14 284[2]
Шчыльнасць	38,4 чал./км²
Плошча	371,7[2]

У паняцця ёсць і іншыя значэнні, гл. Мейшагола (значэнні).

Першапачаткова ўваходзіла ў склад Віленскага павета Віленскай губерні. З 7 чэрвеня 1919 года — у складзе Віленскай акругі Цывільнага ўпраўлення Усходніх зямель^[4], з 9 верасня 1920 — пад кіраўніцтвам Упраўлення прыфрантавых і этапных тэрыторый^[5]. З 9 кастрычніка 1920 года — у складзе Сярэдняй Літвы^[6][7].

13 красавіка 1922 года гміна перайшла пад польскую адміністрацыю ў складзе Віленскай зямлі^[8]. Віленскі і Троцкі паветы былі аб’яднаныя ў Віленска-Троцкі павет, які 20 студзеня 1926 года ўвайшоў у склад новаўтворанага Віленскага ваяводства^[9].

У канцы верасня 1939 года тэрыторыя гміны занятая Чырвонай Арміяй, паводле падпісанага 10 кастрычніка 1939 года «Дагавора аб перадачы Літоўскай Рэспубліцы горада Вільні і Віленскай вобласці і аб узаемадапамозе паміж Савецкім Саюзам і Літвой» гміна адышла да Літоўскай Рэспублікі.