Матырына (возера)

У гэтага тапоніма ёсць і іншыя значэнні, гл. Матырына.

Маты́рына, Матырынскае — возера ва Ушацкім раёне Віцебскай вобласці Беларусі ў басейне ракі Ушача, за 6 км у напрамку на поўнач ад гарадскога пасёлка Ушачы, каля вёскі Матырына.

Матырына
Морфаметрыя
Вышыня над узроўнем мора	131,3[1] м
Даўжыня	1,7 км
Шырыня	1,4 км
Плошча	1,38 км²
Даўжыня берагавой лініі	каля 7 км
Найбольшая глыбіня	6 м
Сярэдняя глыбіня	3,5 м
Басейн
Плошча вадазбору	178 км²
Упадаюць	рака Альзініца, ручаі
Выцякаюць	рака Альзініца
Размяшчэнне
Краіна	Беларусь
Рэгіён	Віцебская вобласць
Матырына
Матырына

Плошча паверхні возера 1,38 км². Даўжыня 1,7км, найбольшая шырыня 1,4 км, даўжыня берагавой лініі каля 7 км. Найбольшая глыбіня 6 м, сярэдняя 3,6 м. Плошча вадазбору 178 км².
Катлавіна возера трохвугольнай формы. Схілы катлавіны вышынёй да 25 м, месцамі з валунамі. Берагавая лінія звілістая, утварае залівы. Берагі нізкія, у паўночнай частцы возера сплавінныя. Дно возера ў прыбярэжнай частцы пясчанае, глыбей — ілістае, у паўночным заліве выслана сапрапелем. На возеры 3 астравы агульнай плошчай каля 1 га. Возера зарастае. Праз возера працякае рака Альзініца. На паўднёвым захадзе злучана ручаём з возерам Лаканец, на поўначы ўпадае канава з возера Лінне.

У возеры водзяцца шчупак звычайны, лешч, акунь, гусцяра, плотка, лінь, краснапёрка і іншыя віды рыб.

На паўднёвы ўсход ад возера пралягае аўтамабільная дарога Н3701.

Зноскі

1. Ліст карты N-35-34. Выданне 1987 г. Стан мясцовасці на 1984 г. Архівавана 1 мая 2013.