Матэа Ковачыч

Матэ́а Ко́вачыч (харв.: Mateo Kovačić; нар. 6 мая 1994, Лінц, Аўстрыя) — харвацкі футбаліст, атакуючы паўабаронца англійскага клуба «Манчэстэр Сіці» і нацыянальнай зборнай Харватыі. Выступае на пазіцыі цэнтральнага паўабаронцы і часцяком выконвае ролю плэймэйкера.

Матэа Ковачыч
Агульная інфармацыя
Нарадзіўся	6 мая 1994(1994-05-06)[1][2][…] (31 год) Лінц, Верхняя Аўстрыя, Аўстрыя
Грамадзянства	Харватыя
Рост	177 см[3]
Вага	75 кг
Пазіцыя	паўабаронца
Інфармацыя пра клуб
Клуб	Манчэстэр Сіці
Нумар	8
Маладзёжныя клубы
1999—2000 Эбельсберг 2000—2007 ЛАСК (Лінц) 2007—2009 Дынама (Заграб)
Клубная кар’ера[* 1]
2010—2012 Дынама (Заграб) 43 (7) 2013—2015 Інтэрнацыянале 80 (5) 2015—2019 Рэал Мадрыд 73 (1) 2018—2019 →  Чэлсі 32 (0) 2019—2023 Чэлсі 110 (4) 2023— Манчэстэр Сіці
Нацыянальная зборная[* 2]
2008 Харватыя (да 14) 2 (1) 2008 Харватыя (да 15) 2 (0) 2009—2011 Харватыя (да 17) 15 (0) 2011—2012 Харватыя (да 19) 6 (0) 2011—2014 Харватыя (да 21) 7 (0) 2013— Харватыя 95 (5)
Узнагароды і медалі
Чэмпіянаты свету Срэбра Расія 2018 Бронза Катар 2022 Дзяржаўныя ўзнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 ліпеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 4 ліпеня 2023
Медыяфайлы на Вікісховішчы

Клубная кар’ера

Займацца футболам Матэа пачаў у акадэміі аўстрыйскага клуба ЛАСК. Ужо ў 13 гадоў маладым хлоцам зацікавіліся такія клубы, як «Аякс», «Інтэрнацыянале», «Ювентус» і «Баварыя», аднак сям’я Ковачыча вырашыла вярнуцца ў Заграб, і Матэа далучыўся да клуба «Дынама».

Дэбютаваў у прафесійным футболе малады хлапец у матчы супраць клуба «Хрвацкі Драгаволяц» 20 лістапада 2010 года. «Дынама» атрымала сакрушальную перамогу з лікам 6:0, а Матэа забіў чацвёрты гол сваёй каманды. Да канца сезона Матэа згуляў яшчэ 6 матчаў каманды, а ўжо на наступны сезон паўабаронца стаў іграком асноўнага складу.

31 студзеня 2013 года Ковачыч перайшоў у міланскі «Інтэрнацыянале»^[4]. Матэа ўзяў сабе 10 нумар, пад якім да гэтага выступаў Уэслі Снейдэр. 3 лютага ў паядынку супраць «Сіены» ігрок дэбютаваў у Серыі А, выйшаўшы на замену ў другім тайме замест Эсек’еля Скелота. Пазней здолеў стаць адным з лідараў чорна-блакітных, у выніку цікавасць да Ковачыча сталі праяўляць наймацнейшыя клубы Еўропы.

18 жніўня 2015 года было афіцыйна абвешчана аб пераходзе паўабаронцы ў мадрыдскі «Рэал»^[5].

У жніўні 2018 года быў аддадзены ў арэнду лонданскаму «Чэлсі»^[6]. У ліпені 2019 года перайшоў у «Чэлсі» на трывалай аснове, падпісаўшы пяцігадовы кантракт^[7]. Разам з клубам у 2021 годзе стаў пераможцам Лігі чэмпіёнаў УЕФА.

У чэрвені 2023 года падпісаў чатырохгадовы кантракт з «Манчэстэр Сіці»^[8].

Міжнародная кар’ера

У сакавіку 2013 года Матэа быў выкліканы на гульні галоўнай зборнай Харватыі супраць зборнай Сербіі і Уэльса^[9]. 22 сакавіка ў матчы адборачнага турніру чэмпіянату свету 2014 супраць зборнай Сербіі Ковачыч дэбютаваў за першую зборную Харватыі.

Дасягненні

«Дынама»:

• Чэмпіён Харватыі (2): 2011, 2012
• Уладальнік Кубка Харватыі (2): 2011, 2012

«Рэал»:

• Чэмпіён Іспаніі: 2017
• Уладальнік Суперкубка Іспаніі: 2017
• Пераможца Лігі чэмпіёнаў (3): 2016, 2017, 2018
• Уладальнік Суперкубка УЕФА (2): 2016, 2017
• Пераможца клубнага чэмпіянату свету (2): 2016, 2017

«Чэлсі»:

• Пераможца Лігі чэмпіёнаў: 2021
• Пераможца Лігі Еўропы: 2019
• Уладальнік Суперкубка УЕФА: 2021
• Пераможца клубнага чэмпіянату свету: 2021

«Манчэстэр Сіці»:

• Уладальнік Суперкубка УЕФА: 2023

Харватыя:

• Сярэбраны прызёр чэмпіянату свету: 2018
• Бронзавы прызёр чэмпіянату свету: 2022