Махсума Карыева

Махсума Карыева (1902, Ташкент — 18.4.1946, Масква) — узбекская актрыса , адна з першых жанчын-артыстак на прафесійнай сцэне Узбекістана. Заслужаная артыстка Узбекскай ССР (1937).

Махсума Карыева
Дата нараджэння	1902
Месца нараджэння	Ташкент, Ташкенцкі павет[d], Сырдар’інская вобласць, Туркестанскае генерал-губернатарства, Расійская імперыя
Дата смерці	18 красавіка 1946(1946-04-18)
Месца смерці	Масква, РСФСР, СССР
Прафесія	актрыса
Тэатр	Узбекскі Нацыянальны Акадэмічны драматычны тэатр імя Хамзы[d] Ферганскі ўзбекскі драматычны тэатр імя Ю. К. Шакаржанава[d]
Узнагароды

У Вікіпедыі ёсць артыкулы пра іншых людзей з прозвішчам Карыева.

Біяграфія

Да рэвалюцыі выступала ў татарскіх і ўзбекскіх аматарскіх гуртках^[1]. З 1918 года працавала у трупе імя К. Маркса пад кіраўніцтвам М. Уйгура  (руск.), якая пазней пераўтварылася ў Тэатр імя Хамзы  (руск.)^[1]. Удзельнічала ў франтавых паездках трупы ў гады Грамадзянскай вайны^[1]. Яна стварыла выразныя вобразы ў спектаклях па матывах узбекскай, рускай і сусветнай класічнай драматургіі.

Раптоўна памерла ў Маскве ў 1946 годзе.

Ролі

Сярод роляў Марыжон («Забойца Карыма» А. Мустафіна), Джаміля, Хаджар, Мар’ямхан, Фаціма («Бай і батрак», «Халішхан», «Атручанае жыццё», «Пакаранне паклёпнікаў» Хамзы), Луіза, Амалія («Падступства і каханне», «Разбойнікі» Ф. Шылера), Ксенія («Мой сябар  (руск.)» М. Пагодзіна) і іншыя. М. Карыева валодала прыемным голасам, таксама выконвала галоўныя ролі ў першых узбекскіх музычных драмах: Лайлі, Шырын («Лайлі і Меджнун», «Фархад і Шырын» Хуршыда  (узб.)). Роля, якая прынесла М. Карыевай асаблівую вядомасць, гэта Халіма («Халіма» Гулама Зафары  (узб.)) і іншых.

За час сваёй кар’еры яна была вядомая і як майстар характарных роляў: Адэльма («Турандот  (руск.)» К. Гоцы), Маліка («Qoʻzibuloq» Лопэ дэ Вэга), Арлоўская («Інтэрвенцыя  (руск.)» Л. Славіна  (руск.)), Гертруда («Гамлет» У. Шэкспіра), Маці («Маці» Уйгуна  (руск.)) і іншыя.