Маўчадскі сельсавет

Маўча́дскі сельсавет^[1] — адміністрацыйна-тэрытарыяльная адзінка ў складзе Баранавіцкага раёна Брэсцкай вобласці. Цэнтр сельсавета — вёска Моўчадзь.

Маўчадскі сельсавет
Краіна	Беларусь
Уваходзіць у	Баранавіцкі раён
Уключае	13 населеных пунктаў
Адміністрацыйны цэнтр	Моўчадзь
Дата ўтварэння	12 кастрычніка 1940
Насельніцтва (2019)	887
Часавы пояс	+2
Код аўтам. нумароў	1
Афіцыйны сайт

Гісторыя

Утвораны 12 кастрычніка 1940 года ў складзе Гарадзішчанскага раёна Баранавіцкай вобласці БССР. З 8 студзеня 1954 года ў складзе Брэсцкай вобласці. 16 ліпеня 1954 года да сельсавета далучана тэрыторыя скасаванага Круплянскага сельсавета^[2]. 14 красавіка 1960 года ў склад сельсавета з Гірмантаўскага сельсавета перададзены 5 населеных пунктаў (Катмінаўцы, Крутаўцы, Кузявічы, Мордычы і Ярашова)^[3]. 21 студзеня 1961 года ў склад Пачапаўскага сельсавета перададзена вёска Дабраполь^[4]. З 25 снежня 1962 года сельсавет у складзе Баранавіцкага раёна^[5]. У 1970 годзе скасавана вёска Калеснікі (злілася з вёскай Міцкевічы)^[6]. 4 верасня 1972 года скасаваны вёскі Пагулянка (злілася з вёскай Соргавічы) і Іванавічы (злілася з вёскай Саўцавічы)^[7]. На 1 студзеня 1974 года ў складзе сельсавета было 13 населеных пунктаў^[8].

Насельніцтва

Насельніцтва сельсавета паводле перапісу 2009 года — 1565 чалавек^[9], з іх 89,5 % — беларусы, 6,5 % — рускія, 2,3 % — палякі, 0,8 % — украінцы^[10]; паводле перапісу 2019 года — 887 чалавек^[11].