Кузявічы (Баранавіцкі раён)

У паняцця ёсць і іншыя значэнні, гл. Кузявічы.

Кузяві́чы^[1] (трансліт.: Kuziavičy, руск.: Кузевичи) — вёска ў Баранавіцкім раёне Брэсцкай вобласці. Уваходзіць у склад Маўчадскага сельсавета. Размешчана за 26 км на паўночны захад ад Баранавіч, за 2 км ад чыгуначнай станцыі Мордычы на лініі Баранавічы—Ліда. Насельніцтва 27 жыхароў, 20 гаспадарак (2005).

Вёска Кузявічы Краіна Беларусь Вобласць Брэсцкая Раён Баранавіцкі Сельсавет Маўчадскі Каардынаты 53°16′51″ пн. ш. 25°49′09″ у. д.HGЯO Насельніцтва ▼8 чал. (2019) Часавы пояс UTC+3 Тэлефонны код +375 163 Аўтамабільны код 1 СААТА 1204854031 Кузявічы на карце Беларусі ±

Гісторыя

У 1905 годзе ў Люшнеўскай воласці Слонімскага павета. З 1921 года ў складзе Польшчы, у Моўчадскай гміне Слонімскага павета. З 1939 года ў БССР.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінула 9 жыхароў.

Да 14 красавіка 1960 года вёска ўваходзіла ў склад Гірмантаўскага сельсавета^[2].

Насельніцтва

• XX стагоддзе:
  • 1905 — 133 жыхары.
  • 1921 — 21 двор, 106 жыхароў.
  • 1959 — 112 жыхароў.
  • 1970 — 108 жыхароў.
  • 1998 — 15 двароў, 25 жыхароў.
• XXI стагоддзе:
  • 2005 — 27 жыхароў, 20 гаспадарак.

Вядомыя асобы

• Платон Андрэевіч Крэнь (1896—1962) — беларускі паэт, мемуарыст, публіцыст.
• Іван Платонавіч Крэнь (1936—2014) — беларускі гісторык.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Рашэнне выканкома Брэсцкага абласнога Савета дэпутатаў працоўных ад 14 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.