Ахвярам Мінскага гета

«Ахвярам Мінскага гета» — мемарыяльны знак у Мінску, размешчаны ў скверы на рагу вуліц Прытыцкага і Берута, каля Кальварыйскіх могілак. Устаноўлены ў 2009^[1] годзе каля месца, дзе нацысты ў 1941—1943 гадах рассталялі звыш 14000 вязняў Мінскага гета, пра што сведчаць надпісы на чатырох мовах — беларускай і англійскай на левым блоку, рускай і іўрыце на правым.

Помнік
Ахвярам Мінскага гета
53°54′35″ пн. ш. 27°30′07″ у. д.HGЯO
Краіна	Беларусь
Месцазнаходжанне	Мінск
Скульптар	Алена Аляксееўна Хараберуш, Леанард Іосіфавіч Пакульніцкі і Максім Міхайлавіч Пятруль
Архітэктар	Леанід Мендэлевіч Левін
Дата пабудовы	2009 год

Не блытаць з Разбіты агмень — по­мнікам ахвя­рам Мін­ска­га ге­та на ву­лі­цы Су­хой.

Аўтары мемарыльянага знака — скульптары Алена Хараберуш і Леанард Пакульніцкі^[1], пры ўдзеле ў эскізнай распрацоўцы і працоўнай мадэлі помніка Максіма Петруля^[2], архітэктар Леанід Левін^[1].

Складаецца з двух велізарных гранітных блокаў, паміж якімі нібыта заціснуты абагульненыя бронзавыя фігуры, пазбаўленыя індывідуальных рысаў, — моцная мастацкая метафара безнадзейнасці, сціснутасці і раздушанасці абставінамі^[1].

Зноскі

1. «Мастацтва» № 5 (410). 2017 Архівавана 27 кастрычніка 2020.
2. «Мастацтва» № 7 (412). 2017 Архівавана 27 кастрычніка 2020.