Мерацкае ваяводства

Мерацкае ваяводства — адміністрацыйна-тэрытарыяльная адзінка ў Вялікім Княстве Літоўскім у 1793 — 1795 гг. Цэнтр — г. Мерач.

Мерацкае ваяводства
Краіна	Вялікае Княства Літоўскае
Адміністрацыйны цэнтр	Мерач
Дата ўтварэння	23 лістапада 1793
Ваяводы	Ваяводы мерацкія
Кашталяны	Кашталяны мерацкія

Створана ў 1793 г. Гарадзенскім соймам у складзе Мерацкага павета, Прэнскага павета і Эйшышкскага павета. Тытул мерацкіх ваяводы і кашталяна атрымалі ваявода і кашталян скасаванага Смаленскага ваяводства. Пасля 3-га падзелу Рэчы Паспалітай (1795 г.) тэрыторыя ваяводства была падзелена па р. Нёман паміж Прусіяй (левабярэжжа) і Расійскай імперыяй (правабярэжжа).

Ваяводы мерацкія

• Францішак Ксаверый Сапега 1793 — 1795

Кашталяны мерацкія

• Антоні Сухадольскі 1793 — 1794

Літаратура

• Мерацкае ваяводства // Вялікае княства Літоўскае: Энцыклапедыя: У 2 т. / Рэдкал.: Г. П. Пашкоў (гал. рэд.) [і інш.]; [Маст. З. Э. Герасімовіч]. Т. 2: К — Я. — Мн.: Беларуская энцыклапедыя, 2007. — 788 с.: іл. — С. 300 — 301. — ISBN 978-985-11-0394-8.