Мядзведзішкі (Дукштаўская сянюнія)

У паняцця ёсць і іншыя значэнні, гл. Мядзведзішкі.

Мядзведзішкі або Нядзведзішкі, таксама Мядзвіедзі́шкес^[1] (літ.: Medviediškės) — вёска ў Віленскім раёне Віленскага павета Літвы. Уваходзіць у склад Дукштаўскай сянюніі. Размешчана за 6 км на ўсход ад Дукштаў.

Вёска
Мядзведзішкі
літ.: Medviediškės
54°48′58″ пн. ш. 25°03′14″ у. д.HGЯO
Краіна	Літва
Павет	Віленскі
Раён	Віленскі
Сянюнія	Дукштаўская
Гісторыя і геаграфія
Часавы пояс	UTC+2, летам UTC+3
Насельніцтва
Насельніцтва	27 чалавек (2021)
Паказаць/схаваць карты
Мядзведзішкі

Гісторыя

У XIX стагоддзі былі 2 аднайменныя засценкі і вёска. Адзін з засценкаў адносіўся да маёнтка Гладкішкі Гедройцаў, другі да Ізабеліна Котвічаў^[2].

У часы Першай сусветнай вайны ў 1915 годзе Мядзведзішкі занялі войскі Германскай імперыі. 25 сакавіка 1918 года згодна з Трэцяй Устаўной граматай Мядзведзішкі абвяшчаліся часткай Беларускай Народнай Рэспублікі^[3]. У пачатку 1919 года тэрыторыя занята Чырвонай Арміяй^[4]. З 27 лютага 1919 года — у ЛітБел ССР, у канцы сакавіка занята польскімі войскамі.

З 1920 года ўваходзілі ў склад Сярэдняй Літвы, з 1922 да 1939 года — у складзе гміны Мейшагола Віленска-Троцкага павета Віленскага ваяводства Польскай Рэспублікі^[5].

З пачаткам Другой сусветнай вайны ў верасні 1939 года заняты савецкімі войскамі. Паводле савецка-літоўскага дагавора аб узаемадапамозе, падпісанага 10 кастрычніка 1939 года, Мядзведзішкі разам з часткай Віленскага краю былі перададзены Літве, з 1940 года ў Літоўскай ССР. У 1941—1944 гадах пад акупацыяй Германіі.

З 1990 года — у складзе незалежнай Літвы.

Насельніцтва

Дынаміка насельніцтва з 1905 па 2021
1905[6]	1931[7]	1959пер.[8]	1970пер.[8]	1979пер.[9]	1989пер.[10]	2001пер.[11]	2011пер.[12]	2021[13]
12	53	52	60	51	28	25	19	27
Гістаграма дынамікі насельніцтва