Мяжа (возера)

У паняцця ёсць і іншыя значэнні, гл. Мяжа.

Мяжа́ — возера ў Беларусі, у Гарадоцкім раёне Віцебскай вобласці каля аграгарадка Мяжа ў басейне ракі Ловаць (цячэ праз возера).

Мяжа
Морфаметрыя
Вышыня над узроўнем мора	142 м[1]
Даўжыня	1,3 км
Шырыня	0,93 км
Плошча	0,79 км²
Аб’ём	0,00051 км³
Даўжыня берагавой лініі	3,52 км
Найбольшая глыбіня	2 м
Сярэдняя глыбіня	0,6 м
Гідралогія
Салёнасць	0,16 ‰
Празрыстасць	0,8 м
Басейн
Плошча вадазбору	258 км²
Упадаюць	Ловаць, Шыша
Выцякаюць	Ловаць
Размяшчэнне
Краіна	Беларусь
Мяжа
Мяжа

Плошча паверхні возера складае 0,79 км². Даўжыня возера 1,3 км, найбольшая шырыня 0,93 км. Найбольшая глыбіня 2 м, сярэдняя — 0,6 м.
Катлавіна возера тэрмакарставага тыпу. Схілы катлавіны спадзістыя вышынёй 2—5 м, складзеныя з пяскоў і супесяў. Берагавая лінія даўжынёй 3,52 км слабазвілістая. Берагі нізкія, пясчаныя і тарфяністыя. Пойма шырынёй 25—300 метраў, забалочаная. Дно возера плоскае. Літаральная зона да глыбіні ў 1 м пясчаная, глыбей дно выслана апясчаненым глеем і крэменязёмістым сапрапелем. На возеры востраў плошчай каля 0,1 га.

Возера Мяжа эўтрофнае, праточнае. Падводнай расліннасцю зарастае па ўсёй плошчы.
Упадаюць рэкі Ловаць і Шыша́. Выцякае Ловаць, злучаючая Мяжу з возерам Сосна.

У возеры водзяцца шчупак, лешч, акунь, плотка, карась і іншыя віды рыб.