Мяккацелыя чарапахі

Мяккацелыя чарапахі, мяккаскурыя чарапахі, мяккія чарапахі (Trionychoidea) — надсямейства прэснаводных чарапах.

Мяккацелыя чарапахі
Trionyx triunguis
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Паўзуны Падклас:  Анапсіды Атрад:  Чарапахі Падатрад:  Скрыташыйныя чарапахі Надсямейства:  Мяккацелыя чарапахі
Міжнародная навуковая назва
Trionychoidea Fitzinger, 1826
Сямействы
Carettochelydae — Двухкіпцюровыя чарапахі Trionychidae — Трохкіпцюровыя чарапахі
Сістэматыка на Віківідах Выявы на Вікісховішчы ITIS   948949 NCBI   34905 EOL   1301581 FW   37646

Аб’ядноўвае 2 сямействы: двухкіпцюровыя чарапахі — 1 від, пашыраны ў Паўночнай Аўстраліі, на востраве Новая Гвінея, і трохкіпцюровыя чарапахі, або трыоніксы — 6 або 7 родаў, 22 віды; пашыраны ў Азіі, Афрыцы, Паўночнай Амерыцы.

Даўжыня да 90 см. Цела і сплошчаны касцявы панцыр укрыты мяккай скурай без рагавых шчыткоў (адсюль назва). Галава з мяккім хабатком, на канцы якога знаходзяцца ноздры. Лапы шырокія, пальцы злучаны плавальнай перапонкай. Здольныя трымацца пад вадой да 15 гадзін. Кормяцца раслінамі і жывёламі (насякомыя, ракападобныя, малюскі, рыбы, земнаводныя і інш.).

У Азіі — аб’ект промыслу (мяса, яйцы).

Літаратура

• Мяккацелыя чарапахі // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).