Мікалай Іванавіч Пазняк

Мікалай Іванавіч Пазняк (нар. 10 студзеня 1945; г.п. Іўе, Гродзенская вобласць) — беларускі вучоны ў галіне афтальмалогіі. Доктар медыцынскіх навук (1990), прафесар.

Мікалай Іванавіч Пазняк
Дата нараджэння	10 студзеня 1945(1945-01-10) (80 гадоў)
Месца нараджэння	Іўе, Іўеўскі раён, Маладзечанская вобласць, Беларуская ССР, СССР
Род дзейнасці	навуковец
Навуковая сфера	афтальмалогія
Навуковая ступень	доктар медыцынскіх навук
Альма-матар	Мінскі медыцынскі інстытут (1974)
Прэміі

У Вікіпедыі ёсць артыкулы пра іншых людзей з прозвішчам Пазняк.

Біяграфія

Скончыў Мінскі медыцынскі інстытут (1974), дзе і працаваў у 1979—1991 гадах. З 1993 года ў Медыцынскім цэнтры Мінскага трактарнага завода (загадчык аддзялення). Навуковыя працы па этыялогіі, патагенезе, лячэнні і прафілактыцы катаракты, глаўкомы, блізарукасці, дыстрафіі сятчаткі і захворванняў зрокавага нерва.

Аўтар васьмі патэнтаў і навуковых вынаходніцтваў у афтальмалогіі.

Узнагароды

• Дзяржаўная прэмія Рэспублікі Беларусь у галіне навукі і тэхнікі (2000, у сааўтарстве) — за цыкл прац «Механізмы развіцця, метады і сродкі лячэння глаўкомы, катаракты, фотапашкоджанняў сятчаткі вока».

Літаратура

• Пазняк Мікалай Іванавіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).