Мікалай Канстанцінавіч Казакевіч

У Вікіпедыі ёсць артыкулы пра іншых людзей з прозвішчам Казакевіч.

Мікалай Канстанцінавіч Казаке́віч (5 мая 1934, вёска Дулебы, Бярэзінскі раён, Мінская вобласць — 7 лютага 2021, Гомель) — беларускі мастак-жывапісец, заслужаны дзеяч мастацтваў БССР (1988), лаўрэат Дзяржаўнай прэміі Рэспублікі Беларусь (2000).

Мікалай Канстанцінавіч Казакевіч
Дата нараджэння	5 мая 1934(1934-05-05)
Месца нараджэння	Дулебы, Пагосцкі сельсавет, Бярэзінскі раён, Беларуская ССР, СССР
Дата смерці	7 лютага 2021(2021-02-07)[1] (86 гадоў)
Грамадзянства	СССР  Беларусь
Род дзейнасці	мастак
Жанр	пейзаж, сюжэтна-тэматычная карціна
Вучоба	Мінскае мастацкае вучылішча (1955) Беларускі дзяржаўны тэатральна-мастацкі інстытут (1961)
Вядомыя працы	«Свята песні» (1969), «Юнацтва» (1972), «Над роднымі прасторамі» (1979), «Вясна на Гомельшчыне», «Рэквіем»
Уплыў	Віталь Цвірка, Уладзімір Сухаверхаў, Аляксандр Мазалёў
Член у	Беларускі саюз мастакоў
Прэміі
Узнагароды
Сайт	kazakevich.by
Медыяфайлы на Вікісховішчы

«Юнацтва», 1972, палатно, алей, 180 х 175 см.

Біяграфія

У 1955 годзе скончыў Мінскае мастацкае вучылішча, у 1961 — Беларускі дзяржаўны тэатральна-мастацкі інстытут. Выкладчыкі — Віталь Цвірка, Уладзімір Сухаверхаў, Аляксандр Мазалёў. Упершыню творы мастака экспанаваліся ў 1961 годзе.

Член Беларускага саюза мастакоў з 1963 года. Жыў у г. Гомелі.

Працаваў у станковым жывапісе ў жанрах лірычнага пейзажу, сюжэтна-тэматычнай карціны. Адной з найбольш вядомых прац мастака з’яўляецца карціна «Над роднымі прасторамі» (1979)^[2].

Карціны М. Казакевіча знаходзяцца ў Нацыянальным мастацкім музеі Рэспублікі Беларусь, фондзе Беларускага саюза мастакоў, Музеі сучаснага выяўленчага мастацтва, карціннай галерэі Г. Х. Вашчанкі, Магілёўскім абласны м мастацкім музеі імя Паўла Масленікава.

Выстаўкі

• 1961 — Усесаюзная выстаўка дыпломных работ. Масква, Ленінград
• 1974 — Калектыўная выстаўка мастакоў СССР, ПНР і ГДР
• 1979 — Персанальная мастацкая выстаўка ЦДМ, Масква
• 1980 — Выстаўка твораў савецкіх мастакоў, ГДР
• 1982 — Выстаўка мастакоў Расіі, Украіны і Беларусі «Кіеву 1500 гадоў»
• 1987 — Персанальная мастацкая выстава, Мінск
• 1993 — Персанальная мастацкая выстава, Клермон-Феран, Францыя
• 1995 — Персанальная мастацкая выстава, Дзяржаўны мастацкі музей, Мінск
• 2008 — Персанальная мастацкая выстава, карцінная галерэя Г. Х. Вашчанкі, Гомель

і інш.

Узнагароды і прэміі

• Дзяржаўная прэмія Рэспублікі Беларусь у галіне літаратуры, мастацтва і архітэктурыі (2000) — за серыю пейзажаў «Краявіды Беларусі», выкананых у 1995—1998 гадах.
• Ордэн Дружбы народаў
• Ордэн Францыска Скарыны (2010)
• Бронзавая медаль ВДНГ СССР за працу «Юнацтва»
• Заслужаны дзеяч мастацтваў Беларусі
• Ганаровая грамата Вярхоўнага Савета БССР

Зноскі

1. Беларуская Вікіпедыя — 2007.

   <a href='https://wikidata.org/wiki/Track:Q122311452'></a><a href='https://wikidata.org/wiki/Track:Q877583'></a>
2. «Над роднымі прасторамі» Архівавана 18 красавіка 2019.