Мікалай Лапіцкі

У Вікіпедыі ёсць артыкулы пра іншых людзей з прозвішчам Лапіцкі.

Мікалай Лапіцкі (13 снежня 1907, в. Грэлікі^[2], Вілейскі павет, Віленская губерня, цяпер Вілейскі раён, Мінская вобласць — 8 жніўня 1976, Глен-Спэй, Нью-Ёрк, ЗША) — беларускі рэлігійна-грамадскі дзеяч, праваслаўны святар, публіцыст, педагог. Магістр багаслоўя. Дзеяч беларускай эміграцыі.

Мікалай Лапіцкі
Дата нараджэння	13 снежня 1907(1907-12-13)
Месца нараджэння	Грэлікі[d], Вілейскі павет, Віленская губерня, Расійская імперыя
Дата смерці	8 жніўня 1976(1976-08-08) (68 гадоў) ці 8 жніўня 1970(1970-08-08)[1] (62 гады)
Месца смерці	Глен-Спей[d], акруга Саліван[d], штат Нью-Ёрк, ЗША
Месца пахавання	Беларускія могілкі ў Саўт-Рыверы
Бацька	Сцяпан Грышкевіч[d]
Месца працы	Беларуская гімназія імя Янкі Купалы
Альма-матар	Віленская духоўная семінарыя (1930) факультэт праваслаўнага багаслоўя Варшаўскага ўніверсітэта[d] (1934)

Біяграфія

Нарадзіўся ў заможнай сялянскай сям’і Сцяпана і Домны. Рэлігійныя бацькі далі дзецям традыцыйнае хрысціянскае выхаванне. У 1934 г. прыняў дыяканскія пасвячэнні, неўзабаве — сан прасвітэра. У 1935 г. атрымаў ступень магістра багаслоўя за працу «Праваслаўе ў Вялікім Княстве Літоўскім за часоў панавання Уладыслава Ягайлы». Служыў у прыходзе ў Ашмянах. У 1935 г. прызначаны настаяцелем у Свята-Пакроўскую царкву ў Сцяфанполле (Дзісенскі павет), дзе служыў да 1942 г. Быў жанаты з Валянцінай Трафімук. У Сцяфанполлі ў М. Лапіцкага нарадзіўся сын. З 1942 года ў Мінску. Актыўна ўдзельнічаў у Мінскім царкоўным саборы (1942), які абвясціў аўтакефалію Беларускай праваслаўнай царквы.

Удзельнік Другога Усебеларускага кангрэса ў Мінску ў чэрвені 1944 года.^[2]

Пасля 1944 г. эмігрыраваў, спачатку ў Германію. У Рэгенсбургу М. Лапіцкі арганізаваў беларускі праваслаўны прыход і кіраваў будаўніцтвам царквы, якая ў 1946 г. была асвечана ў гонар Ефрасінні Полацкай. Некаторы час быў дырэктарам Беларускай гімназіі імя Янкі Купалы ў Міхельсдорфе. З 1950 года ў ЗША, дзе таксама актыўна ўдзельнічаў у беларускім руху. Быў настаяцелем беларускай парафіі ў Саўт-Рыверы і парафіяльнай школы пры ёй, дзе сам быў выкладчыкам. Удзельнічаў у выданні часопісу «Царкоўны Сьветач», пэўны час быў яго рэдактарам.

Памёр у Беларускім адпачынкавым цэнтры «Бэлэр-Менск» каля мястэчка Глен-Спэй (штат Нью-Ёрк). Пахаваны на беларускіх могільніках у Саўт-Рыверы.

Зноскі

1. Find a Grave — 1996. Праверана 30 жніўня 2019.

   <a href='https://wikidata.org/wiki/Track:Q63056'></a>
2. Барыс С. В., Рогач А. В. Нарачанка і яе берагі. — Мн.: Выдавец Зміцер Колас, 2013. — С. 641. — 712 с. — 99 экз. — ISBN 978-985-6992-37-0.