Мікалай Мікалаевіч Раеўскі

У Вікіпедыі ёсць артыкулы пра іншых людзей з прозвішчам Раеўскі.

Мікалай Мікалаевіч Рае́ўскі (1771—1829) — расійскі палкаводзец, герой Айчыннай вайны 1812 года, генерал ад кавалерыі (1813). За трыццаць гадоў бездакорнай службы ўдзельнічаў у многіх найбуйнейшых бітвах эпохі. Пасля подзвігу пад Салтанаўкай стаў адным з найбольш папулярных генералаў расійскай арміі. Барацьба за батарэю Раеўскага стала адным з ключавых эпізодаў Барадзінскай бітвы. Удзельнік «Бітвы народаў» і ўзяцця Парыжа. Член Дзяржаўнага савета. Быў блізка знаёмы з многімі дзекабрыстамі. Сяброўствам з Раеўскім ганарыўся А. С. Пушкін^[4]. Брат ад адной маці Пятра і Аляксандра Давыдавых; стрыечны брат Дзяніса Давыдава.

Мікалай Мікалаевіч Раеўскі
Партрэт М. М. Раеўскага працы Дж. Доу. Ваенная галерэя Зімовага Палаца[2]
Дата нараджэння	14 (25) верасня 1771
Месца нараджэння	Санкт-Пецярбург, Расійская імперыя[3]
Дата смерці	16 (28) верасня 1829 (58 гадоў)
Месца смерці	Баўтышка[d], Баўтышская воласць[d], Чыгірынскі павет[d], Кіеўская губерня, Расійская імперыя
Месца пахавання	Rozumivka[d]
Бацька	Nikolay Rayevsky[d]
Маці	Yekaterina Samoylova[d]
Жонка	Соф’я Аляксееўна Канстанцінава[d]
Дзеці	Марыя Мікалаеўна Валконская, Yekaterina Rayevskaya[d], Sofya Rayevskaya[d], Aleksandr Rayevsky[d] і Nikolay Rayevsky[d]
Грамадзянства	Расійская імперыя
Прыналежнасць	Расійская імперыя
Гады службы	1786—1797 1801 1807—1824
Званне	генерал ад кавалерыі
Камандаваў	корпусам
Бітвы/войны	Фрыдланд, Салтанаўка, Смаленск, Барадзіно, Малаяраславец, Чырвоны, Баўцэн, Дрэздэн, Кульм, Лейпцыг, Бар-сюр-Об, Парыж і інш.
Узнагароды і званні	Ордэн Святога Георгія II ступені Ордэн Святога Георгія III ступені Ордэн Святога Георгія IV ступені Ордэн Святога Уладзіміра I ступені Ордэн Святога Аляксандра Неўскага Ордэн Святога Уладзіміра II ступені Ордэн Святой Ганны I ступені Ордэн Святога Уладзіміра III ступені Ордэн Святога Уладзіміра IV ступені Залатая шпага з дыяментамі Замежныя Ордэн Чырвонага арла 1-й ступені
Сувязі	сыны А. М. Раеўскі і М. М. Раеўскі
У адстаўцы	член Дзяржаўнага савета
Медыяфайлы на Вікісховішчы

Памяць пра Раеўскага

Капліца ў Салтанаўцы^[5]

У 1820 годзе, падчас першай рускай антарктычнай экспедыцыі, Ф. Ф. Белінсгаўзен назваў адкрытыя ім астравы ў Ціхім акіяне ў Архіпелагу Расіян (Туамоту) Астравамі Раеўскага^[6].

Цяпер пра подзвігі Раеўскага нагадваюць капліца-помнік, якая стаіць на месцы бою каля Салтанаўкі пад Магілёвам, і помнік, пастаўлены на месцы батарэі Раеўскага на Барадзінскім полі.

У 1961 годзе, да 150-гадовага юбілею Айчыннай вайны, адна з вуліц Масквы была названа ў гонар М. М. Раеўскага. Вуліца Раеўскага ёсць таксама ў Кіеве, Смаленску і Мажайску.

У 1987 годзе бюст Раеўскага быў пастаўлены ў скверы Памяці Герояў у Смаленску^[7].

У 2009 годзе на тэрыторыі Бендэрскай крэпасці быў адкрыты бронзавы бюст Раеўскага^[8].

Св. Крыжаўзвіжанская царква ў вёсцы Разумоўка (пахавальня Раеўскіх) унесена ў рэестр помнікаў горадабудаўніцтва і архітэктуры нацыянальнага культурнага здабытку Украіны^[9].

У нумізматыцы

• У 2012 годзе Цэнтральным банкам Расійскай Федэрацыі была выпушчана манета (2 рублі, сталь з нікелевым гальванічным пакрыццём) з серыі «Палкаводцы і героі Айчыннай вайны 1812 года» з выявай на рэверсе партрэта генерала ад кавалерыі М. М. Раеўскага^[10].

Зноскі

1. Дж. Доу. Партрэт Мікалая Мікалаевіча Раеўскага, каля 1825. Палатно, масла. 70 х 62,5 см. Ваенная галерэя Зімовага Палаца, Санкт-Пецярбург.
2. Дж. Доу. Партрэт Мікалая Мікалаевіча Раеўскага, каля 1825. Палатно, масла. 70 х 62,5 см. Ваенная галерэя Зімовага Палаца, Санкт-Пецярбург.
3. Раевский Николай Николаевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
4. Пушкин Л. С. Биографическое известие о А. С. Пушкине до 1826 года // Пушкин в воспоминаниях и рассказах современников. — Л., 1936. — С. 47—54.
5. Архітэктар П. Г. Яцына. Пабудавана ў 1912 г.
6. Адкрыццё Антарктыды (нявызн.)(недаступная спасылка). Расійская Антарктычная экспедыцыя. Архівавана з першакрыніцы 19 мая 2012. Праверана 15 лістапада 2009.
7. Фатаграфія(недаступная спасылка) бюста М. М. Раеўскага.
8. В. Сандуца.. Памятники русским воинам Раевскому и Миллеру открыты в Бендерах (нявызн.)(недаступная спасылка). РИА Новости (24 декабря 2009). Архівавана з першакрыніцы 19 мая 2012. Праверана 22 сакавіка 2015.
9. Орехова Л. А., Гуркович В. Н.. Раевские и Крым (нявызн.)(недаступная спасылка). Историческое наследие Крыма. Праверана 15 лістапада 2009.(недаступная спасылка)
10. Серыя: Палкаводцы і героі Айчыннай вайны 1812 года